စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းကို အဓိကလုပ်ကိုင်ကြပြီး မြေပဲလုံးဆံများကို မြေပဲစိုက်ပျိုးရာ၌လည်းကောင်း၊ ဆီစက်လုပ်ငန်းရှင်အချို့မှ မြေပဲဆီကြိတ်ကာ ကုန်ချောထုတ်လုပ်၍ ပြန်လည်ရောင်းချပြီး မြေပဲလုံးဆံကို မြေပဲယို၊ မြေပဲဆားလှော် စသည်ဖြင့်လည်း အသုံးပြုကြကြောင်း သိရသည်။
ကန့်ဘလူမြို့နယ်တွင် ၂၀၂၆ ခုနှစ်၊ ဇန်နဝါရီလအတွင်း အရောင်းအဝယ်ဖြစ်နေသည့် မြေပဲ လုံးဆံများကို ဒေသတွင်းရှိ စိုက်ပျိုသူများထံမှလည်းကောင်း၊ မန္တလေးမြို့နှင့် ရွှေဘိုမြို့တို့မှလည်းကောင်းဝင်ရောက်လျက်ရှိရာယခုဇန်နဝါရီလဒုတိယပတ်အတွင်းမြေပဲလုံးဆံတစ်ပိဿာလျှင် (၇၉၀၀)ကျပ်နှင့်(၂၅)ပိဿာတစ်အိတ်လျှင်(၁၉၇၅၀၀)ကျပ်ဈေးနှုန်းဖြင့်လည်းကောင်း၊မြေပဲအတောင့်တစ်တင်းလျှင်(၃၂၀၀၀)ကျပ်ဖြင့်လည်းကောင်း အရောင်း အဝယ် ဖြစ်လျက်ရှိရာ ယခင်အပတ် ဈေးနှုန်းများနှင့်နှိုင်းယှဉ်ပါကဒေသတွင်းမြေပဲများထွက်ရှိလာသောကြောင့် ဈေးနှုန်းအနည်းငယ်ကျဆင်းလျက်ရှိကြောင်း လုပ်ငန်းရှင်များထံမှ သိရှိရသည်။
DOCA(စစ်ကိုင်း)