ဧရာဝတီတိုင်းဒေသကြီး၌ ကွမ်းရွက်ပင်ကို မြို့တိုင်းနီးပါး စိုက်ပျိုးကြပြီး ပုသိမ်ခရိုင် ၊ကျုံပျော် ခရိုင်၊ ဟင်္သာတခရိုင်၊ မြန်အောင်ခရိုင်၊ မြောင်းမြခရိုင်၊ လပွတ္တာခရိုင်၊ ဖျာပုံခရိုင်နှင့် မအူပင်ခရိုင်တို့မှ စုစုပေါင်း ကွမ်းစိုက်ဧက(၁၀၇၆၈) ဧက ခန့်ရှိ၍ ယခု ၂၀၂၆ ခုနှစ် ဖေဖော်ဝါရီလ ပထမပတ်တွင် ကွမ်းရွက် တစ်ပိဿာလျှင် ၃၃၀၀/- ကျပ်၊ ဈေးဖြင့် ရောင်းချရလျက်ရှိပါသည်။ ယခင် ကာလတူ ဈေးနှုန်းဖြင့် နှိုင်းယှဉ်ပါက တစ်ပိဿာ လျှင် ၁၀၀၀၀/- ကျပ်ခန့် ပိုရလျက်ရှိပြီး ကွမ်းစိုက် တောင်သူတို့ ဈေးကောင်းရလျက်ရှိပါသည်။ဒေသမျိုးကွမ်းညွန့်များကို တစ်ညွန့်လျှင် ၈၀ ကျပ်ခန့်ပေးရပြီး အပင် ၅၀၀၀ ခြံ၊ ၁၀၀၀ခြံ စသည်ဖြင့်စိုက်ပျိုးကြပါသည်။ အပင်အညွန့်တင်ရန် လက်ညှိုးလုံးခန့်ရှိသော ကွမ်းခြံတိုင် ဝါးလေးများ ကိုအသုံးပြုရပြီး ယခုနှစ်တွင် ကွမ်းခြံဝါးတစ်လုံးလျှင် ၁၆၀ ကျပ်ခန့်ကျ သင့်ပါသည်။
ကွမ်းရွက် အပင် ၅၀၀၀ ခြံမှ တစ်ပတ်ခူးဆွတ်လျှင် ၅၀ ပိဿာခန့်ရရှိကြပါသည်။ အပင်၏ ကျန်းမာသန်းစွမ်းမှုကိုလိုက်၍ တစ်နှစ်ပတ်လုံးခူးဆွတ်နိုင်ကြပြီး နွေရာသီတွင်ရေလောင်းပေးရပါ သည်။ အပင်ကောင်းပါက နောက်နှစ် စိုက်ပျိုးချိန် ကာလအထိ ၎င်း အညွန့်ကို မျိုးပြန်ယူ၍ ပြန်လည် စိုက်ပျိုးကြပါသည်။အပင် ၅၀၀၀ ခြံမှ ၁၅ ရက်တပတ်လျှင် ကွမ်းရွက် ပိဿာ ၅၀ ခန့်ထွက်ရှိသည့် အတွက် ယခုဈေးတစ်ပိဿာ ၃၃၀၀၀ ကျပ်ဖြင့်တွက်ပါက တစ်လလျှင် ၃၃ သိန်း ကျပ်ခန့် ကွမ်းစိုက် တောင်သူတို့ ဝင်ငွေရလျက်ရှိပါသည်။ ကွမ်းရွက်ကို ဒေသတွင်းစားသုံးမှုအပြင် ရန်ကုန်သီရီမင်္ဂလာ ဈေးရှိ ကွမ်းဒိုင်များသို့ နေ့ချင်းအရောက် တင်ပို့၍ ရောင်းချလျက်ရှိကြောင်းသိရှိရပါသည်။
(DOCA ဧရာဝတီ)