ဗီယက်နမ်နိုင်ငံသည် ၂၀၂၆ ခုနှစ် ပထမနှစ်လအတွင်း ပြည်ပသို့ ဆန်တန်ချိန် ၁.၃ သန်း တင်ပို့ခဲ့ပြီး အမေရိကန်ဒေါ်လာ ၅၉၉.၃ သန်း ရရှိခဲ့ကြောင်း စိုက်ပျိုးရေးနှင့် ပတ်ဝန်းကျင်ထိန်းသိမ်းရေးဝန်ကြီးဌာန၏ ထုတ်ပြန်ချက်ကို ကိုးကား၍ ဗီယက်နမ်သတင်းဌာန (VNA) က မတ်လ ၉ ရက်နေ့တွင် ဖော်ပြခဲ့သည်။
ယင်းကိန်းဂဏန်းများသည် ယခင်နှစ် အလားတူကာလနှင့် နှိုင်းယှဉ်ပါက တင်ပို့မှုပမာဏတွင် ၅ ရာခိုင်နှုန်း တိုးတက်လာသော်လည်း ရရှိသည့် တန်ဖိုးတွင်မူ ၁၁.၂ ရာခိုင်နှုန်း ကျဆင်းသွားကြောင်း အစီရင်ခံစာတွင် ဖော်ပြထားသည်။
အဆိုပါကာလအတွင်း ပျမ်းမျှဆန်တင်ပို့ဈေးနှုန်းမှာ တစ်တန်လျှင် ၄၆၄.၁ ဒေါ်လာ ခန့်ရှိပြီး ယခင်နှစ်ကထက် ၁၅.၄ ရာခိုင်နှုန်း လျော့နည်းသွားခဲ့သည်။ ဗီယက်နမ်ဆန်ကို အများဆုံးတင်သွင်းသည့် ဈေးကွက်မှာ ဖိလစ်ပိုင်နိုင်ငံဖြစ်ပြီး စုစုပေါင်းတင်ပို့မှု၏ ၄၇.၆ ရာခိုင်နှုန်းရှိကာ ၎င်း၏နောက်တွင် တရုတ်နှင့် ဂါနာနိုင်ငံတို့က အစဉ်လိုက်ရပ်တည်နေကြောင်း သိရှိရပါသည်။
Source : Xinhua
DOCA (ရန်ကုန်)