စားသုံးသူရေးရာဦးစီးဌာန ၊ မြင်းခြံခရိုင်ဦးစီးမှူးရုံးတွင် မြင်းခြံခရိုင်ဦးစီးမှူး ၊ ဦးသန်းစိုး (လ/ထ ညွှန်ကြားရေးမှူး)နှင့် ဝန်ထမ်းများသည် မြင်းခြံခရိုင် မီးသတ်ဦးစီးဌာန၊ မြင်းခြံဒု-ခရိုင်မီးသတ်ဦးစီးမှူး၊ ဦးကျော်သူ(ဦးစီးအရာရှိ)နှင့် မီးသတ်ဝန်ထမ်းများ ပူးပေါင်း၍ (၁၂.၃.၂၀၂၆) ရက်နေ့ နံနက် (၁၀:၀၀)နာရီ အချိန်တွင် မီးဘေးလုံခြုံရေး ကြိုတင်ဇာတ်တိုက်လေ့ကျင့်ခြင်း ဆောင်ရွက်ခဲ့ရာ ဦးစွာပထမ မြင်းခြံဒု-ခရိုင်မီးသတ်ဦးစီးမှူး၊ ဦးကျော်သူ က မီးသတ်ဦးစီးဌာနတွင် ရည်မှန်းချက်တာဝန်(၄)ရပ်နှင့် လုပ်ငန်းစဉ်(၇) ရပ်ရှိပါကြောင်း၊ မီးသတ်အဖွဲ့အနေဖြင့် အေဒီ(၁၀၄၄) ပုဂံခေတ်မှ စတင်တည်ရှိခဲ့ပါကြောင်း ၊ နှစ်စဉ် မြန်မာနိုင်ငံမီးသတ်တပ်ဖွဲ့နေ့အား မေလ(၅)ရက်နေ့သတ်မှတ်ခဲ့ပါကြောင်းနှင့် မကြာမီ ပူးပြင်းခြောက်သွေ့ သော ရာသီသို့ ရောက်ရှိလာတော့မည်ဖြစ်သဖြင့် ဌာနပိုင် အဆောက်အဦးများ မီးဘေးလုံခြုံမှုရှိစေရန် အဆောက်အဦးဝန်းကျင်များ၌ မီးတားလမ်းများဆောင်ရွက်ထားရှိရန်၊ မီးဘေးနှင့် အရေးပေါ်ကြုံတွေ့ လာပါက ဌာနရှိ ဝန်ထမ်းများအနေဖြင့် မီးငြိမ်းသတ်မှုများကို စနစ် တကျအရေးကြီး (ပထမ၊ဒုတိယနှင့် တတိယ) ဦးစားပေး ဆောင်ရွက်ရမည်ကိစ္စရပ်များအား နည်းလမ်းမှန်ကန်စွာ အချိန်မီ သယ်ယူ ရွှေ့ ပြောင်း၍ မီးငြိမ်းသတ်နိုင်ရေးနှင့် မီးသတ်ဆေးဗူးများအား ကျွမ်းကျင်စွာ အသုံးပြုနိုင်ရေး၊ မီးသတ် ဆေးဗူးများတွင် ဆေးရည်များ ရှိမရှိ နှင့် ကောင်းစွာအသုံးပြုနိုင်ခြင်း ရှိ/မရှိ စစ်ဆေးဆောင်ရွက် သွားရန်နှင့် မီးလောင်မှုများ ဖြစ်ပွားပါက အချိန်မီ လျင်မြန်စွာမီးငြိမ်းသတ် နိုင်ရေးအတွက် လိုအပ်သည့် မီးသတ်ဆေးဘူးများ ၊ မီးချိပ်၊ မီးကတ်များ၊ ရေပုံးနှင့်သဲ စသည့်ပစ္စည်းများအား အရန်သင့် ထားရှိနိုင်စေရေး အသိပညာပေးဆွေးနွေးခဲ့ပါသည်။
ထို့နောက် အရေးပေါ်မီးဘေးအန္တရာယ်များနှင့်တွေ့ကြုံလာပါက ထိရောက်စွာ မီးငြိမ်းသတ် နိုင်ရန်အတွက် မီးသတ်ဆေးဘူး အသုံးပြုပုံကို လက်တွေ့စနစ်တကျသင်ကြားပြသခြင်း၊ မီးဘေး လုံခြုံရေးအတွက် မီးငြိမ်းသတ်မှု လက်တွေ့သရုပ်ပြသမှုနှင့် ဇာတ်တိုက်လေ့ကျင့်ခြင်းများ ဆောင် ရွက်ခဲ့ကြောင်းနှင့် ဌာနပိုင်ရုံးနှင့်အဆောက်အဦးများရှိ ရေစင်များနှင့်ရေဖြည့်တင်းနိုင်သော ရေကန် များတွင် အစဉ်အမြဲ ရေများဖြည့်ဆည်းထားရှိစေနိုင်ရေးများ ဆောင်ရွက်ခဲ့ကြောင်းသိရသည်။
DOCA(မန္တလေး)