မြန်မာနိုင်ငံတွင် ညောင်ပင်ကို ပြည်နယ်နှင့် တိုင်းအများစုတွင် ပေါက်ရောက်ပြီး အထူးသဖြင့် အညာဒေသ၏ နေရာတော်တော်များများတွင် ပေါက်ရောက်သည်။ ညောင်ပင်သည် ရာသီအလိုက် အရွက်ကြွေတတ်သည့် နှစ်ရှည်ခံအပင်ကြီးမျိုးဖြစ်သည်။ အမြင့်ပေ ၉၀ ခန့်အထိ ရှင်သန်ကြီး ထွားသည်။ ယခုလိုအချိန်သည် ညောင်ရွက်နုဖူးတို့ လှိုင်လှိုင်ပေါ်ချိန်ဖြစ်သည်။ ညောင်ပင်ပေါက် ရောက်သည့် ဒေသများတွင် ညောင်ရွက်နုများကို အလွယ်တကူခူးဆွတ်နိုင်သလို အလွယ်တကူ ဝယ်ယူနိုင်သည်။ ပြုတ်ပြီးသား ညောင်ရွက်များကို အွန်လိုင်းမှတဆင့်လည်း ဝယ်ယူနိုင်သည်။ ညောင်ရွက်နုဖူးလေးများကို အဖန်ဓါတ်ကုန်သွားသည့်အထိ (၃)ကြိမ်ခန့်ပြုတ်ပြီးမှသာ ဟင်းလျာအဖြစ် နည်းမျိုးစုံဖြင့် ချက်ပြုတ်စားသောက်ကြသည်။ ပြုတ်ပြီးသား ညောင်ဖူးများကို ဝယ်ယူပါက အကြိမ်ကြိမ်ထပ်မံပြုတ်ပြီးမှသာ စားသုံးသင့်သည်။ ပြုတ်ပြီးသားညောင်ဖူးများကို အထားခံစေရန် လက်နှစ်ဖက်အားကိုအသုံးပြုပြီး ညှစ်ကာ အလုံးလေးများလုံးပေးပြီး အင်ဖက်၊ ငှက်ပျောဖက်တို့နှင့် ထုတ်ပိုးသိမ်းဆည်းထားပါက ကြာရှည်ခံသည်။
ရာသီအချန်အခါနှင့် သဘာဝတရားမှပေးသည့် လက်ဆောင်မွန် ညောင်ဖူးများကို အမြတ်တနိုးတန်ဖိုးထားပြီး ဒေသအလိုက် မတူကွဲပြားသည့် ချက်ပြုတ်နည်းမျိုးစုံဖြင့် ပြင်ဆင်စားသုံးခြင်းဖြင့် ကုန်ကျစရိတ်သက်သာပြီး ကျန်းမားရေးအတွက် အကျိုးကျေးဇူး ကောင်းများရရှိသောကြောင့်ညောင်ဖူးကိုဝယ်ယူစားသုံးသင့်ပေးသည်။ဈေးကွက်၌ရောင်းချနေသောညောင်ဖူးပြုတ်များမှာတစ်ဆယ်ကျပ်သားလျှင် (၈၀၀)ကျပ်ဖြင့် ရောင်းချနေကြောင်းသိရှိရ ပါသည်။
DOCA(ပဲခူး)