“ပန်းဂေါ်ဖီစိမ်းဈေးနှုန်းနှင့်ဈေးကွက်”

                  ပန်းဂေါ်ဖီစိမ်းသည် အအေးပိုင်းဒေသများဖြစ်သော ပြင်ဦးလွင်၊ နောင်ချို၊ ရွာငံ၊ ရေဦးဒေသ များတွင် အများဆုံးစိုက်ပျိုးကြပါသည်။ မြေပြန့်ဒေသတွင်လည်း စိုက်ပျိုးမှုများပြားလာကြောင်း၊ မြေပြန့်ဒေသတွင် စိုက်ပျိုးမည်ဆိုပါက စက်တင်ဘာလနှင့် ဒီဇင်ဘာလများတွင် စိုက်ပျိုးနိုင်ကြောင်း၊ တောင်ပေါ်ဒေသများနှင့် အအေးပိုင်းဒေသများတွင် တစ်နှစ်ပတ်လုံး စိုက်ပျိုး၍ရကြောင်း၊ စိုက်ပျိုး မည်ဆိုပါက တစ်ဧကကို မျိုးစေ့ပေါင်ဝက်ခန့် စိုက်ပျိုးရကြောင်း၊ စိုက်ပျိုးရာတွင် ပျိုးထောင်စိုက်ပျိုး ရပြီး ပျိုးသက်တမ်း (၂၅-၃၀)ရက်ကျော်လျှင် စိုက်ပျိုးရန် အသင့်ပြုလုပ်ထားသော ဘောင်များသို့ ရွှေ့ပြောင်းစိုက်ပျိုးနိုင်မည်ဖြစ်ကြောင်း၊ စိုက်ပျိုးပြီး (၂)လကျော်လျှင် ပန်းများစတင်ခူးဆွတ်နိုင်မည် ဖြစ်ကြောင်း၊ ပန်းဂေါ်ဖီစိမ်းကို အချိန်လိုက်ခူးဆွတ်ရပြီး ခူးဆွတ်ချိန်နောက်ကျပါက အရောင်ပြောင်း သွားနိုင်ကြောင်း၊ တစ်ဧကလျှင် ပန်းဂေါ်ဖီစိမ်း အပွင့်ပေါင်း (၂၀၀၀-၃၀၀၀)ပွင့်အထိ ခူးဆွတ်ရနိုင် ကြောင်း၊ တစ်ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်းကုန်ကျ စရိတ် (၁၂၀၀၀၀၀/-)ကျပ်ခန့် ကုန်ကျကြောင်း၊ ပန်းဂေါ်ဖီလက်ကားဈေးအနေဖြင့် (၁၃၀၀/-)ကျပ် ဖြင့် ရောင်းချပေးကြောင်း၊ ပန်းဂေါ်ဖီဈေးနှုန်းအနေဖြင့် အပွင့်ကြီးတစ်ပွင့်လျှင် (၂၀၀၀/-)ကျပ်၊ အပွင့်သေးတစ်ပွင့်လျှင် (၁၀၀၀-၁၅၀၀)ကျပ်အထိ ရောင်းဝယ်လျက်ရှိပြီး စိုက်ပျိုးစရိတ်နှုတ်ပြီး (၁၄၀၀၀၀၀/-)ကျပ်ခန့်မြတ်ကြောင်း၊ အိမ်များတွင်လည်း တစ်နိုင်တစ်ပိုင်စိုက်ပျိုးသင့်သော သီးနှံ ဖြစ်ကြောင်း၊ ပန်းဂေါ်ဖီစိမ်းစားသုံးခြင်းဖြင့် ကင်ဆာရောဂါကို မဖြစ်ပွားအောင် ကာကွယ်ပေးနိုင်သည့် အဓိကအစားအစာတွေထဲမှ တစ်ခုဖြစ်ကြောင်း၊ ပန်းဂေါ်ဖီစိမ်းကို ကြော်စားတာထက် ပြုတ်၍ စားသုံးပါက ပိုမိုအာဟာရဖြစ်ကြောင်း၊ ပန်းဂေါ်ဖီစိမ်းကို ဗီတာမင်စီကြွယ်ဝသည့်အပြင် အမျှင်ဓာတ် လည်း အများဆုံးပါဝင်သောကြောင့် အစာခြေဖျက်ရာတွင် အများဆုံးအထောက်အကူပြုစေကြောင်း၊ နေ့စဉ်စားသုံးမှုတွေမှာ အိမ်ရှင်မများအနေဖြင့် မိသားစုကျန်းမာရေးအတွက် ပါဝင်အောင် ချတ်ပြုတ် ပေးသင့်သော အစားအစာတစ်ခုဖြစ်ကြောင်း လေ့လာသိရှိရပါသည်။

DOCA(မန္တလေး)