၂။ မန္တလေးတိုင်းဒေသကြီး၊ မြစ်သားမြို့နယ်နေ တိုင်ကြားသူတစ်ဦးသည် ကားကုမ္ပဏီတစ်ခုထံမှ Dong Feng တွဲကား (၂)စီးအား ကုမ္ပဏီသတ်မှတ်ဈေး တစ်စီးလျှင် USD 43000 ဖြင့် ဝယ်ယူခဲ့ရာ တွဲကား (၂)စီးအတွက် သတ်မှတ် ထားသော စရံငွေ USD 6700 (ကျပ် သိန်း ၂၀၀)အား ပေးအပ်ခဲ့ပြီး(၃)လအတွင်း ကား အပ်နှံမည်ဟုပြောသော်လည်း လ(၃၀)ကျော် အကြာတွင် (၁)စီးလျှင် USD 55000 ပေးရမည်ဖြစ် ကြောင်း ပြောကြားသဖြင့် စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးသို့ လူကိုယ် တိုင်လာရောက် တိုင်ကြားလာပါသည်။
ဖြေရှင်းဆောင်ရွက်မှုအခြေအနေ။ တိုင်ကြားမှုနှင့်ပတ်သက်၍ ဌာနမှတာဝန်ရှိသူများက တိုင်ကြား ခံရသည့် ကားကုမ္ပဏီသို့ ဆက်သွယ်အကြောင်းကြားခဲ့မှုအပေါ် ကုမ္ပဏီအနေဖြင့် သွင်းကုန်မူဝါဒ အပြောင်းအလဲကြောင့် USD 43000 မှ USD 55000 သို့ ဈေးနှုန်းပြောင်းလဲ ရောင်းချခြင်းဖြစ်ကြောင်း တင်ပြချက်အရ ကုမ္ပဏီသည် (၁၀-၆-၂၀၂၃)မှ (၃၁-၁-၂၀၂၆) အတွင်း တွဲကားများတင်သွင်းခြင်း ရှိ/မရှိ စိစစ်ပေးနိုင်ရန် ပို့ကုန်သွင်းကုန်ရုံး၊ မန္တလေးသို့ အကြောင်းကြားစစ်ဆေးခဲ့ရာ သွင်းကုန်လိုင်စင် (၁၉၁)စောင်၊ အစီးရေ (၇၅၁)စီးခွင့်ပြုထုတ်ပေးကြောင်း အကြောင်းပြန်ကြားချက်အရ ဌာနမှ ခေါ်ယူ ညှိနှိုင်းခြင်းများ ဆောင်ရွက်ခဲ့ရာ ကုမ္ပဏီမှ တွဲကား(၂)စီး ဝယ်ယူထားသည့် တိုင်ကြားသူအား စရံငွေ ကျပ် သိန်း (၂၀၀)+ နစ်နာမှုအတွက် (၃၃၆)သိန်း၊ စုစုပေါင်း (၅၃၆)သိန်းကို ပေးလျော်ခဲ့သည့်အတွက် တိုင်ကြားသူမှလည်း ကျေနပ်မှုရှိပါသောကြောင့် နှစ်ဦးနှစ်ဖက် သဘောတူညီမှု ပုံစံ(၉)တွင် လက်မှတ် ရေးထိုးခဲ့ကြပါသည်။ နှစ်ဦးနှစ်ဖက် အဆင်ပြေသွားသော်လည်း လုပ်ငန်းရှင်သည် စားသုံးသူကာကွယ် ရေးဥပဒေပုဒ်မ ၂၁(စ)နှင့် (ဇ)တို့အား ဖောက်ဖျက်ကျူးလွန်သဖြင့် မန္တလေးတိုင်းဒေသကြီးဦးစီးမှူးရုံး ကစားသုံးသူကာကွယ်ရေးဥပဒေ ပုဒ်မ ၅၂(က)အရ “သတိပေးခြင်း” ပြစ်ဒဏ်ကို ချမှတ်ခဲ့ပြီး အမှု ပိတ်သိမ်းမှတ်တမ်းတင် ဆောင်ရွက်ခဲ့ပါသည်။