အိန္ဒိယဗဟိုအစိုးရသည် ယခုရာသီတွင် လယ်သမားများထံမှ ဂျုံကို ယခင် လျာထားချက် ၃၀ မီလီယံတန်မှ ၁၅% တိုး၍ ၃၄.၅ မီလီယံတန်အထိ ဝယ်ယူရန် ဆုံးဖြတ်ထားကြောင်း၊ မိုးရွာ သွန်းမှု မမှန်ခြင်းကြောင့် သီးနှံပျက်စီးမှု ခံစားရသော လယ်သမားများကို ကူညီရန်နှင့် ပြည်နယ် များ၏ တောင်းဆိုချက်များကိုလည်း စဉ်းစားထားခြင်းဖြစ်ကြောင်း အစားအသောက်ဝန်ကြီးဌာန အတွင်းရေးမှူး Sanjeev Chopra က ၂၀၂၆ ခုနှစ် ဧပြီလ တတိယပတ်တွင် ပြောကြား သည်။
Roller Flour Millers’ Federation of India ၏ နှစ်စဉ် ဂျုံသုံးသပ်ချက် ထုတ်ပြန်ရာတွင် ပြည်နယ်အလိုက် ဂျုံဝယ်ယူမည့် ပမာဏများကိုလည်း ဖော်ပြခဲ့သည်။ Madhya Pradesh ပြည်နယ်အနေဖြင့် ယခင် ၇.၈ မီလီယံ တန်မှ တိုးမြှင့်၍ ၁၀ မီလီယံတန် ၊ Uttar Pradesh ပြည်နယ်အနေဖြင့် ယခင် ၁ မီလီယံတန်ခန့်မှ တိုးမြှင့်၍ ၂.၅ မီလီယံ တန်၊ Rajasthan ပြည်နယ် အနေဖြင့် ယခင် ၂ မီလီယံ တန်မှ တိုးမြှင့်၍ ၂.၃၅ မီလီယံတန်၊ Uttarakhand အနေဖြင့် ယခင် ၁,၀၀၀ တန်မှ တိုးမြှင့်၍ ၅,၀၀၀ တန် ကို ဝယ်ယူမည်ဟု ခန့်မှန်းထားသည်။ ထို့အပြင် ၃ နှစ်အတွင်း မဝယ်ယူနိုင်ခဲ့သည့် Delhi ပြည်နယ်မှလည်း ယခုနှစ်တွင် ဂျုံအချို့ဝယ်ယူနိုင်လာမည် ဖြစ်ရာ စုစုပေါင်း ဝယ်ယူ ပမာဏမှာ ယခင် ၃၀ မီလီယံတန်မှ ၃၄.၅ မီလီယံ တန်အထိ တိုးလာမည် ဖြစ်ကြောင်းသိရသည်။
Punjab၊ Haryana၊ Madhya Pradesh နှင့် Rajasthan တို့အပါအဝင် အဓိက ဂျုံ စိုက်ပျိုးသော ပြည်နယ်များတွင် ဂျုံဝယ်ယူရာတွင် အသုံးပြုသည့် အရည်အသွေး စံနှုန်းများကို လျော့ပေါ့ပေးထားပြီး လယ်သမားများထံမှ ပိုမိုဝယ်ယူနိုင်ရန် လုပ်ဆောင်ထားကြောင်းလည်း ပြော ကြားခဲ့သည်။
ဤကဲ့သို့ ဝယ်ယူပမာဏ တိုးမြှင့်ခြင်းကြောင့် ၂၀၂၆-၂၇ နှစ်အတွက် စတင် သိုလှောင်ထား သည့် ဂျုံပမာဏတွင် ခန့်မှန်း ၂၂ မီလီယံ တန် ထပ်တိုးလာမည်ဖြစ်ပြီး၊ ကုန်သည်များ၏ ခန့်မှန်း ချက်အရ စုစုပေါင်း ရရှိနိုင်မည့် ဂျုံပမာဏမှာ ၅၆.၅ မီလီယံတန်ခန့် ဖြစ်လာမည် ဖြစ် ကြောင်း၊ အများပြည်သူသို့ ဖြန့်ဝေပေးရန်လိုအပ်သည့် ဂျုံသီးနှံပမာဏ(Public Distribution System- PDS requirement) အတွက် လိုအပ်ချက်မှာ ၂၀၂၆-၂၇ တွင် အများဆုံး ၂၀ မီလီယံ တန် ဖြစ်မည်ဟု ပြောကြားထားကြောင်းသိရသည်။
၂၀၂၅-၂၆ စိုက်ပျိုးရေးနှစ်အတွက် စိုက်ပျိုးရေးဝန်ကြီးဌာနက ယခင်နှစ် ဂျုံထုတ်လုပ်မှု ထက် ပိုမို၍ တန်ချိန် ၁၂၀.၂၁ သန်းထုတ်လုပ်ရန် ခန့်မှန်းထားသော်လည်း အဓိက စိုက်ပျိုး ရေး ပြည်နယ်များတွင် ရာသီမမှန် မိုးရွာသွန်းခြင်းနှင့် မိုးကြိုးမိုးကြီးမှုများကြောင့် သီးနှံပျက်စီးမှု ဖြစ်ပွား သဖြင့် တန်ချိန် ၁၁၀ မှ ၁၂၀ သန်းအတွင်းသာ ထွက်ရှိလာနိုင်ကြောင်း ပြောကြားခဲ့သည်။
Agriwatch ၏ အကြံပေးနှင့် GIS ဝန်ဆောင်မှုဒါရိုက်တာ Nalin Rawal က ၂၀၂၆ ခုနှစ် ဖေဖော်ဝါရီလတွင် ဂျုံထုတ်လုပ်မှုကို တန်ချိန် ၁၁၅.၇ သန်းခန့်ရှိမည်ဟု မျှော်မှန်းခဲ့သော်လည်း ရာသီမမှန် မိုးရွာသွန်းမှုကြောင့် တန်ချိန် ၁၁၀.၆၅ သန်းသို့ လျော့နည်းသွားခဲ့ပြီး ယခင်နှစ် ၁၀၉.၆၃ သန်းထက်တော့ ပိုမိုမြင့်တက်နေဆဲဖြစ်ကြောင်း၊ အထွက်နှုန်းတွင် အနည်းငယ် ဆုံးရှုံးမှုရှိခဲ့ သော် လည်း စိုက်ဧက တိုးလာခြင်းကြောင့် ယင်းဆုံးရှုံးမှုကို ဖြည့်တင်းနိုင်ခဲ့ကြောင်း Business Standard သို့ ပြောကြားခဲ့သည်။
Source : Business Standard, 30 April 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)