စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၆ ခုနှစ်၊ ဧပြီလ( ၂၈ ) ရက်နေ့၊ နံနက်(၁၀:၀၀)နာရီအချိန်တွင် ဒေါ်သစ္စာဖူး(ဦးစီးအရာရှိ)ဦးဆောင်၍ လွိုင်ကော်မြို့ပေါ်ရှိ Forever Mandalay (Restaurant)၊ ရတနာမယ်စားသောက်ဆိုင်၊ အောင်သပြေစားသောက်ဆိုင်နှင့် RD (Restaurant)ဆိုင် (၄)ဆိုင်သို့ အစားအသောက်များ ပြုပြင်ရောင်းချသည့်နေရာများ သန့်ရှင်း သပ်ရပ် မှုရှိ/မရှိ၊ အစားအသောက်များ ကိုင်တွယ်ချက်ပြုတ်သူများ၏ တစ်ကိုယ်ရည်သန့်ရှင်းမှုရှိ/မရှိ၊ မိမိတို့ ဆိုင်မှ ပေးအပ်သည့် ဝန်ဆောင်မှုနှင့် စပ်လျဉ်း၍ လုံလောက်သည့် သတင်းအချက်အလက်များကို စားသုံးသူများထံသို့ အသိပေးဖော်ပြထားခြင်းရှိ/မရှိ ၊ ရောင်းချသော စားသောက်ဖွယ်ရာများ၏ အမျိုး အစားအရွယ်အစား ပမာဏအလိုက် ဈေးနှုန်းများအား ပွင့်လင်းမြင်သာစွာဖြင့် ကြိုတင်အသိပေး ဖော်ပြထားခြင်းရှိ/မရှိကို သက်ဆိုင်ရာမိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့်စစ်ဆေး ဆောင်ရွက်ခဲ့ပါသည်။
အဆိုပါ ဈေးကွက်စောင့်ကြည့်စစ်ဆေးခဲ့ရာတွင် စားသောက်ဆိုင်လုပ်ငန်းရှင်အနေဖြင့် မိမိ စားသောက်ဆိုင်ရှိ အစားအသောက်ပြုပြင်ရောင်းချသည့်နေရာများအား သန့်ရှင်းသပ်ရပ်စွာ အသုံး ပြုရန်လိုအပ်ကြောင်း၊ မီးဖိုချောင်ပစ္စည်းများအား အသုံးပြုပြီးစနစ်တကျ ဖုံးအုပ်သိမ်းဆည်းထားရန် လိုကြောင်း၊ စားသောက်ဖွယ်ရာအမျိုးအစားများ၏ Size ပမာဏအလိုက် ဈေးနှုန်းများအား ပွင့်လင်း မြင်သာစွာဖော်ပြပေးရန်လိုကြောင်း၊ ၎င်းအပြင် ဝန်ဆောင်မှုများနှင့် စပ်လျဉ်း၍ အာမခံချက်ပေး ထားသည့်ပို၍ အဖိုးအခထပ်မံကောင်ခံခြင်းမရှိကြောင်း စိစစ်တွေ့ရှိရပါသည်။
မိမိဆိုင်တွင် အစားအသောက်ကိုင်တွယ် ချက်ပြုတ်သူများက Apron၊ ခေါင်းစွပ်များဝတ် ဆင်၍ ချက်ပြုတ်စေရန်၊ အစားအသောက်ကိုင်တွယ်ချက်ပြုတ်သူများအပြင် ဝန်ဆောင်မှုပေးသူ များအနေဖြင့် တစ်ကိုယ်ရည်သန့်ရှင်းမှုရှိစေရေး ကြပ်မတ်ဆောင်ရွက်ရန်၊ မိမိတို့ဆိုင်မှပေးအပ်သည့် ဝန်ဆောင်မှုနှင့်စပ်လျဉ်း၍ အဖိုးအခထပ်မံ ကောက်ခံမည်ဆိုပါက လုံလောက်သည့် သတင်းအချက် အလက်များကို စားသုံးသူသို့အသိပေးဖော်ပြပြထားရှိရန်၊ ဆောင်ရွက်ပြီးစီးမှုအခြေအနေအား စားသုံးသူရေးရာဦးစီးဌာနသို့ ပြန်လည်တင်ပြသွားရန်နှင့် လုပ်ငန်းရှင်များအနေဖြင့် ညွှန်ကြားချက် များအပေါ် လိုက်နာဆောင်ရွက်သွားရန် လမ်းညွှန်အသိပညာပေးဆောင်ရွက်ခဲ့ပါကြောင်း သတင်း ရရှိပါသည်။
DOCA(ကယား)