၂၀၂၆ ခုနှစ်၏ ပထမနှစ်ဝက်အတွင်း ဘရာဇီးနိုင်ငံ၏ သစ်သီးဝလံတင်ပို့မှုသည် ၂၅ ရာခိုင်နှုန်းခန့် မြင့်တက်လာခဲ့ပြီး သရက်သီးနှင့် ပန်းသီးတို့မှာ အဓိကတင်ပို့ရသည့် အသီးများဖြစ်ကြကြောင်း သိရပါသည်။ အဆိုပါကာလအတွင်း စုစုပေါင်းတင်ပို့မှုဝင်ငွေသည် အမေရိကန် ဒေါ်လာ ၃၅၀ သန်းကျော်ခန့်ရှိခဲ့ကြောင်း သိရပါသည်။
Abrafutas အသင်း၏ ထုတ်ပြန်ချက်အရ အဆိုပါကဏ္ဍမှ အမေရိကန်ဒေါ်လာ ၃၅၁ သန်းခန့်ရရှိခဲ့ပြီး သစ်သီးဝလံ ကီလိုဂရမ် ၃၃၀ သန်း တင်ပို့နိုင်ခဲ့ကြောင်း သိရပါသည်။ ၎င်းသည် ယခင်နှစ်ကာလတူနှင့် နှိုင်းယှဉ်ပါက တန်ဖိုးအားဖြင့် ၂၅ ရာခိုင်နှုန်းနှင့် ပမာဏအားဖြင့် ၁၃ ရာခိုင်နှုန်းခန့် တိုးတက်လာခြင်းဖြစ်ကြောင်း သိရပါသည်။
သရက်သီးတင်ပို့မှုသည် တန်ဖိုးအားဖြင့် ၆၉ ရာခိုင်နှုန်းနှင့် ပမာဏအားဖြင့် ၄၀ ရာခိုင်နှုန်း တိုးတက်လာခဲ့ကြောင်း သိရပါသည်။ ပန်းသီးတင်ပို့မှုမှာမူ တန်ဖိုးအားဖြင့် ၂၁၅ ရာခိုင်နှုန်းနှင့် ပမာဏအားဖြင့် ၂၂၈ ရာခိုင်နှုန်းအထိ အဆမတန်မြင့်တက်ခဲ့ကြောင်း သိရပါသည်။
အခြားတိုးတက်မှုရှိခဲ့သော အသီးများမှာ ထောပတ်သီး၊ သခွားမွှေး၊ ဖရဲသီးတို့ဖြစ်ကြောင်းနှင့် စပျစ်သီးတစ်မျိုးတည်းသာ ရာသီဥတုအခြေအနေကြောင့် တင်ပို့မှုပမာဏ လျော့နည်းခဲ့ကြောင်း သိရပါသည်။ ယခုကဲ့သို့ လုပ်ငန်းကဏ္ဍတိုးတက်လာခြင်းမှာ ထုတ်ကုန်၏ အရည်အသွေး၊ ထောက်ပံ့မှုတည်ငြိမ်ခြင်းနှင့် တင်ပို့မည့် နိုင်ငံများကို စုံလင်အောင် ချဲ့ထွင်နိုင်ခြင်းတို့ကြောင့် ဖြစ်ကြောင်း သိရပါသည်။ ဘရာဇီးနိုင်ငံသည် နိုင်ငံတကာစျေးကွက်အတွင်း ယှဉ်ပြိုင်နိုင်စွမ်းရှိစေရန် ကုန်သွယ်မှု သဘောတူညီချက်အသစ်များကို လက်မှတ်ရေးထိုးနိုင်ရန်လည်း မျှော်လင့်ထားကြောင်း သိရပါသည်။
ဘရာဇီးနိုင်ငံမှ ထုတ်လုပ်သူများအဖွဲ့သည် စီးပွားရေးလုပ်ငန်းများ ပိုမိုခိုင်မာစေရန်နှင့် အခွင့်အလမ်းသစ်များ ဖော်ဆောင်နိုင်ရန်အတွက် နိုင်ငံတကာ ကုန်စည်ပြပွဲများသို့ သွားရောက်ပါဝင်လျက်ရှိကြောင်း သိရှိရပါသည်။
Source: Fresh Plaza
DOCA (ရန်ကုန်)