မအူပင်မြို့နယ်နှင့် အနီးတစ်ဝိုက်မှ ထွက်ရှိသော ကွမ်းသီးစိမ်းများသည် ရန်ကုန်ဈေးကွက်တွင် ဝယ်လိုအားရှိနေပြီး နေ့စဉ်ပုံမှန်တင်ပို့လျက်ရှိသည်။ မအူပင်၊ ကျိုက်လတ်နှင့် ရေလဲဒေသများမှ ကွမ်းသီးများကို ကုန်ကားကြီးများဖြင့် ရန်ကုန်သို့ နေ့စဉ် တင်ပို့ဖြန့်ဖြူးပေးနေသည့် လုပ်ငန်းရှိပြီး တစ်ပတ်လျှင် ၄ရက်ခန့် ၆ဘီးကား ၃ စီးမှ ၅စီးအထိ တင်ပို့နေရကြောင်း ကွမ်းသီးစိမ်းရောင်းဝယ်ရေးလုပ်ငန်းထံမှ သိရသည်။
ကွမ်းသီးခြောက်ဈေးကွက်အနေဖြင့် ဧပြီလကုန်ပိုင်းတွင် ဘိတ်ကွမ်းသီးမျိုးများ ဈေးနှုန်းမြင့်တက်နေကြောင်း သိရသည်။ ယခင်နှစ်များက ကွမ်းသီးမှည့် တစ်လုံးလျှင် ၂၅၀ ကျပ်ခန့်ရောင်းချနေပြီး ယခုနှစ်တွင် ကွမ်းသီး အရည်အသွေးပေါ်မူတည်၍ တစ်လုံးလျှင် ၁၂၀ မှ ၁၅၀ ကျပ်ဝန်းကျင်ဖြင့် အရောင်းအဝယ်ဖြစ်နေကြောင်း ဈေးကွက်အတွင်းမှ သိရသည်။ ရန်ကုန် တင်ပို့မှု ကွမ်းသီးခြောက် တစ်ပိဿာလျှင် ၂၅၀,၀၀၀ ကျပ် တင်ပို့ရကြောင်းသိရသည်။ ကွမ်းသီးစိမ်း များ ဇန်နဝါရီလမှ ဧပြီလအထိ တင်ပို့မှု တန်ချိန် ၄၅၀ ခန့် တင်ပို့ပြီးကြောင်း သိရသည်။ ကျေးရွာများမှ ကွမ်းသီးနု အလုံး၁၀၀ လျှင် ၁၅၀၀၀ ကျပ်၊ အလုံး ၁၀၀၀ လျှင် ၁၅၀၀၀၀ ကျပ် ဖြင့် ဝယ်ယူပြီး ရန်ကုန်သို့ တင်ပို့ကြောင်း သိရသည်။ မအူပင်မြို့တွင် ကွမ်းသီး နှစ်ရှည်စိုက်ပျိုးသူသည် အပင်ပေါင်း ၅၀၀၀ကျော် စိုက်ပျိုးထားပြီး ကွမ်းသီးနုများကို ရောင်းချလျက်ရှိကြောင်း စီးပွားဖြစ်စိုက်ပျိုးထားကြောင်းတွေ့ရှိရကြောင်း သိရှိရပါသည်။
DOCA(ဧရာဝတီ)