ရှမ်းပြည်နယ်(အရှေ့ပိုင်း) ကျိုင်းတုံ၊ ရက်ကွက်(၁)ရှိ အမှတ်(၄) အခြေခံပညာအလယ်တန်းကျောင်း၊ ကျောင်းအုပ်ဆရာမကြီးက ကျောင်းသား/သူများအနေဖြင့် ကျန်းမာရေးနှင့် ညီညွှတ်သည့်အစားအသောက်များ ဝယ်ယူစားသောက်နိုင်ရေး ကျောင်းမုန့်ဈေးတန်းအား ကွင်းဆင်းစစ်ဆေးပေးပါရန် ဖိတ်ကြားလာပါသည်။
သို့ဖြစ်ပါ၍ ၂၀၂၂ ခုနှစ်၊ ဒီဇင်ဘာလ (၁၂)ရက်နေ့ နံနက် (၀၉:၃၀) နာရီအချိန်တွင် စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှုးရုံးမှ တာဝန်ရှိဝန်ထမ်းများနှင့် ခရိုင် FDA၊ မြို့နယ်ကျန်းမာရေးဦးစီးဌာန၊ ကျောင်းကျန်းမာရေးတို့ပါဝင်သည့် ပူးပေါင်းအဖွဲ့ဖြင့် အ.လ.က (၄)ကျောင်း မုန့်ဈေးတန်းအား ကွင်းဆင်းစစ်ဆေးခြင်းဆောင်ရွက်ခဲ့ပါသည်။ ဆက်လက်၍ ကျောင်းအုပ်ဆရာမကြီးက စားသုံးသူကာကွယ်ရေးအကြောင်း သိကောင်းစရာများ ဟောပြောပေး ပါရန် တောင်းဆိုမှုကြောင့် နံနက် (၁၀:၄၅) မှ (၁၁:၃၀) အထိ စားသုံးသူကာကွယ်ရေးအကြောင်း သိကောင်းစရာများကို ဟောပြောခဲ့ပြီး ကျောင်းသား/သူများကို လက်ကမ်းစာစောင်များဖြန့်ဝေ ခဲ့ပါသည်။
DOCA(ရှမ်း)