ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ်၊ မြေဝါကုန်းကျေးရွာ တောင်ပိုကုန်းအုပ်စု တောင်သူ ဦးမျိုးသူ ရွှေဖရုံစိုက်ပျိုးထားကြောင်း သိရှိရပါသည်။ စိုက်ပျိုးမြေ (၁) ဧကတွင် မျှားနီ (ပစ်တိုင်းထောင်) မျိုး (၆) ထုတ်ကုန်ကျကြောင်း သိရှိရပါသည်။ မျှားနီ (ပစ်တိုင်းထောင်) တစ်ထုတ်လျှင် ကျပ် (၄၃ဝဝဝ) ရှိကြောင်း တစ်ဧက မျိုးစေ့ ကျပ် ၂၅၈ဝဝဝ ကုန်ကျကြောင်း သိရှိရပါသည်။ တစ်ဧက ထွန်ယက်ခမှာ ကျပ် (၇ဝဝဝဝ) ကုန်ကျပြီး ပျိုးပင်စိုက်ခမှာ တစ်မနက် ကျပ် ၇ဝဝဝ ကုန်ကျပြီး ပျိုးပင် စိုက်ခမှာ တစ်မနက် ကျပ် ၇ဝဝဝ နှင့် (၅) ယောက်ငှားခမှာ ကျပ် (၃၅ဝဝဝ) ကုန်ကျပါသည်။ တစ်ဧက ပျိုးပင်စိုက်ငှားခမှာ (၄) ရက် ငှားရပြီး ကျပ် ၁၄ဝဝဝဝ ကုန်ကျပါသည်။ တစ်ဧက ရွှေဖရုံအောက်ခံဆေး မှာ ရွှေနင်္ဂါး တစ်ပိဿာ ကျပ် ၄၀၀၀နှင့် (၄) ကြိမ်ပက်ဖျန်း၍ ကျပ် ၁၆ဝဝဝ ကုန်ကျ၍ အပင်အားဆေးမှာ ရွှေမင်္ဂလာ တစ်ထုတ် ကျပ် ၂၅ဝဝ နှင့် (၄) ကြိမ်ပက်ဖျန်းစရိတ်မှာ ကျပ် ၁ဝဝဝဝ၊ အားဆေး ပက်ဖျန်း စရိတ်မှာ တစ်မနက် ကျပ် ၇ဝဝဝနှုန်းနှင့် အလုပ်သမား (၄) ယောက်ငှားရပြီး ကျပ် ၂၈ဝဝဝ ကုန်ကျကြောင်း သိရှိရပါသည်။ တစ်ဧကစုစုပေါင်း ကုန်ကျစရိတ်မှာ ကျပ် (၅၂၂ဝဝဝ) ကုန်ကျပါသည်။ တစ်ဧက အထွက်ခန့်မှန်းမှုမှာ ရွှေဖရုံသီးကို အလုံးရေနှင့်မရောင်းရဘဲ ပိဿာနှင့်ရောင်းရသဖြင့် တစ်ဧကကို (၁၂၀၀) ပိဿာထွက်ရှိကြောင်း သိရှိရပါသည်။ ယခုပေါက်ဈေးမှာ ရွှေဖရုံသီး တစ်ပိဿာ ကျပ် ၉၀၀ နှုန်း ဖြင့် ကျပ် ၁၀၈ဝဝဝဝ ကျပ် တွက်ချက်ရပါသည်။ စိုက်ပျိုးတောင်သူ၏ အကျိုးအမြတ်ရရှိမှုမှာ ကျပ် ၅၅၈ဝဝဝ ရရှိကြောင်း သိရှိရပါသည်။အထွက်နှုန်းမှာလည်း စိုက်ပျိုးမြေပေါ်မူတည်၍ မြေကောင်းလျှင် ကောင်းသလို အကျိုးအမြတ်ရပြီး ဈေးကောင်းလျှင် အကျိုးအမြတ်များပြီး ဈေးနည်းလျှင် အကျိုးအမြတ်နည်းပါးကြောင်း သိရှိရ ပါသည်။
DOCA(ပဲခူး)