ပြည်တွင်းဟင်းသီးဟင်းရွက်ဆီလုပ်ငန်းရှင်များ၏ တောင်းဆိုချက်အရ အိန္ဒိယအစိုးရ သည် တောင်သူလယ်သမားများကို အထောက်အပံ့ဖြစ်စေရန် စားသုံးဆီတင်သွင်းခွန်ကို တိုးမြှင့် ရေးအား စဉ်းစားဆွေးနွေးလျက်ရှိသော်လည်း ယခုအချိန်အထိ ဆုံးဖြတ်ချက်တစ်စုံတစ်ရာ မချမှတ် ရသေးပေ။
အစိုးရအနေဖြင့် အခွန်နှုန်းထားတိုးမြှင့်ခြင်းသည် အိန္ဒိယတောင်သူများအတွက် ကောက်ပဲ သီးနှံများ ပိုမိုကောင်းမွန်သော ဈေးနှုန်းရရှိစေရန် ကူညီနိုင်ခြင်းရှိ၊ မရှိကို စိစစ်နေကြောင်း၊ ယခု ကဲ့သို့ ဆွေးနွေညှိနှိုင်းမှုများသည် ယခုနှစ်အတွင်း အာရှတွင် ငွေကြေးတန်ဖိုး အကျဆုံးဖြစ်နေ သည့် ရူပီးငွေအပေါ် ဖိအားဖြစ်စေသည့် ပြည်ပနိုင်ငံခြားငွေ စီးထွက်မှုကို လျှော့ချနိုင်ရန် နယူး ဒေလီအစိုးရက ကြိုးပမ်းအားထုတ်နေချိန်တွင် ပေါ်ပေါက်လာခြင်းဖြစ်ကြောင်း သိရှိရသည်။
အိန္ဒိယနိုင်ငံသည် စားသုံးဆီလိုအပ်ချက်၏ ၆၀ ရာခိုင်နှုန်းခန့်ကို ပြည်ပမှ တင်သွင်းနေရ ခြင်းဖြစ်သဖြင့် ကမ္ဘာ့အကြီးဆုံး စားသုံးဆီဝယ်ယူသူ ဖြစ်လာခဲ့ခြင်းဖြစ်သည်။ ယခုလ အစောပိုင်း တွင် ဝန်ကြီးချုပ် နာရင်ဒရာမိုဒီက စားသုံးသူများအား အဓိကသွင်းကုန်များဖြစ်သည့် ဟင်းသီး ဟင်းရွက်ဆီ၊ ဓာတ်မြေဩဇာ၊ ရွှေနှင့် ရေနံကြမ်းတို့အပေါ် မှီခိုနေရမှုကို လျှော့ချရန် တိုက်တွန်း ပြောကြားခဲ့ရာ သွင်းကုန်အစားထိုးနိုင်ရေးအား ကျယ်ကျယ်ပြန့်ပြန့် တွန်းအားပေး ဆောင်ရွက် ရန် အချက်ပြလိုက်ခြင်းဖြစ်သည်။
စားသုံးဆီအပေါ် အခွန်တိုးမြှင့်နိုင်ခြေရှိမှုသည် လတ်တလောကာလအတွင်း ပြုလုပ်ခဲ့ သည့် ရွှေအပေါ် အခွန်တိုးမြှင့်မှု၏ နောက်ဆက်တွဲဖြစ်ပြီး အိန္ဒိယနိုင်ငံ၏ ငွေပေးချေမှုလက်ကျန် (current account)အပေါ် ဖိအားများကို လျှော့ချနိုင်ရန် တူညီသည့်အားထုတ်မှု အစိတ်အပိုင်း ဖြစ်သည်။ အရှေ့အလယ်ပိုင်းပဋိပက္ခများသည် ဟင်းသီးဟင်းရွက်ဆီ၊ အသားနှင့် ကောက်ပဲသီးနှံ တို့၏ တန်ဖိုးကွင်းဆက်တစ်လျှောက် အနှောက်အယှက်ဖြစ်စေခဲ့သဖြင့် ကမ္ဘာကုလသမဂ္ဂက တိုင်းတာသည့် ကမ္ဘာလုံးဆိုင်ရာ စားနပ်ရိက္ခာ ကုန်စည်အပေါ် ကုန်ကျစရိတ်သည် လွန်ခဲ့သော ၃ နှစ်ကျော်ကာလအတွင်း ယခင်လက အမြင့်ဆုံးမြင့်တက်ခဲ့သည်။
ကမ္ဘာ့တစ်ဝှမ်း စားသုံးမှုအများဆုံးဖြစ်သည့် စားအုန်းဆီသည် ပဋိပက္ခစတင်ပြီးနောက် ၁၂ ရာခိုင်နှုန်းခန့်ထိ မြင့်တက်သွားခဲ့ကြောင်း၊ အဓိက ထုတ်လုပ်သည့်နိုင်ငံများဖြစ်သော အင်ဒိုနီးရှားနှင့် မလေးရှားတို့သည် ပြည်တွင်းအသုံးပြုသည့်စွမ်းအင်ကုန်ကျစရိတ်ကို ခုနှိမ်ထိန်းညှိနိုင်စေရန် ဇီဝလောင်စာ ထုတ်လုပ်မှုကို တိုးမြှင့်လုပ်ဆောင်လာသောကြောင့် ပြည်ပသို့ တင်ပို့မှုပမာဏ လျော့နည်းလာခဲ့ကြောင်း၊ အိန္ဒိယနိုင်ငံ၏ တင်သွင်းမှုအခွန် တိုးမြှင့်ရန် အလားလာဖြင့် လုပ် ဆောင်ချက်သည် ဝယ်ယူမှုများကို နှေးကွေးသွားစေနိုင်ပြီး လတ်တလော ဖြစ်ပေါ်နေသည့် ဈေး နှုန်းအဆမတန် မြင့်တက်မှုကို ထိန်းချုပ်နိုင်ခြေရှိနေကြောင်း သိရှိရပါသည်။
Source: Kotak News Desk, 22 May 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)