ဘင်္ဂလားဒေ့ရှ်နိုင်ငံ၏ ၂၀၂၅-၂၀၂၆ ဘဏ္ဍာရေးနှစ် ပထမ ၁၁ လတာကာလအတွင်း စုစုပေါင်း ကုန်စည်ပို့ကုန်ဝင်ငွေသည် ယခင်နှစ်ကာလတူထက် ၂ ဒသမ ၅၅ ရာခိုင်နှုန်း ကျဆင်းခဲ့ပြီး အမေရိကန်ဒေါ်လာ ၄၄ ဘီလီယံနီးပါး ရရှိခဲ့ကြောင်း သိရသည်။
ဘင်္ဂလားဒေ့ရှ် ပို့ကုန်မြှင့်တင်ရေးဗျူရို (Export Promotion Bureau) ၏ နောက်ဆုံးထုတ်ပြန်ချက် တရားဝင်စာရင်းဇယားများအရ ၂၀၂၅-၂၀၂၆ ဘဏ္ဍာရေးနှစ် ဇူလိုင်လမှ မေလအထိ ကာလအတွင်း ပို့ကုန်တင်ပို့မှုမှ အမေရိကန်ဒေါ်လာ ၄၃ ဒသမ ၇၉၉ ဘီလီယံ ရရှိခဲ့ပြီး ယခင်နှစ်ကာလတူကမူ ၄၄ ဒသမ ၉၄၆ ဘီလီယံ ရရှိခဲ့ခြင်း ဖြစ်သည်။
လက်ရှိဘဏ္ဍာရေးနှစ် (၂၀၂၅ ဇူလိုင် - ၂၀၂၆ ဇွန်) ၏ ၁၁ မြောက်လဖြစ်သော မေလတွင် အမေရိကန်ဒေါ်လာ ၄ ဒသမ ၄၀ ဘီလီယံတန်ဖိုးရှိ ကုန်စည်များကို တင်ပို့နိုင်ခဲ့သော်လည်း ယင်းပမာဏမှာ ယခင်နှစ် မေလထက် ၇ ဒသမ ၀၇ ရာခိုင်နှုန်း လျော့နည်းခဲ့သည်။
စုစုပေါင်း ပို့ကုန်ဝင်ငွေအနက် ချည်ထည်နှင့် ရက်ကန်းထည်များ အပါအဝင် အထည်ချုပ်ကဏ္ဍ (Ready-Made Garments) မှ အမေရိကန်ဒေါ်လာ ၃၅ ဒသမ ၃၁ ဘီလီယံအထိ အများဆုံး ဝင်ငွေရရှိခဲ့ကြောင်း သိရသည်။
ဘင်္ဂလားဒေ့ရှ်နိုင်ငံအနေဖြင့် ၂၀၂၅-၂၀၂၆ ဘဏ္ဍာရေးနှစ်အတွက် စုစုပေါင်း ပို့ကုန်ရည်မှန်းချက်ကို အမေရိကန်ဒေါ်လာ ၅ ဘီလီယံ သတ်မှတ်ထားပြီး ယင်းအနက် အထည်ချုပ် ကဏ္ဍတစ်ခုတည်းမှ ဒေါ်လာ ၄၅ ဘီလီယံနီးပါးရရှိရန် မျှော်မှန်းထားကြောင်း သိရှိရပါသည်။
Source : Xinhua
DOCA (ရန်ကုန်)