ကမ္ဘောဒီးယားနိုင်ငံနှင့် တူရကီနိုင်ငံတို့သည် နှစ်နိုင်ငံ စီးပွားရေးပူးပေါင်းဆောင်ရွက်မှုကို တိုးချဲ့ဆောင်ရွက်ရန် ကတိပြုခဲ့ကြပြီး ပိုမိုခိုင်မာသော ကုန်သွယ်ရေး၊ ရင်းနှီးမြှပ်နှံမှုနှင့် ဖွံဖြိုးတိုးတက်ရေးမိတ်ဖက်များအတွက် အကောင်းမြင်မှုများကို ဖော်ပြခဲ့ကြသည်။ ၆.၆.၂၀၂၅ ရက်နေ့တွင် အမျိုးသားအလွှတ်တော် နန်းတော်တွင် တူရကီသံအမတ်ကြီး Mesut Ozcan နှင့် အမျိုးသားလွှတ်တော် ဥက္ကဋ္ဌ Khuon Sudary အား ဂါရဝပြုတွေ့ဆုံစဉ် ကတိပြုခဲ့ကြခြင်း ဖြစ်သည်။ တွေ့ဆုံစဉ်အတွင်း နှစ်ဖက်လုံးမှ နှစ်နိုင်ငံအကြား ရေရှည်ချစ်ကြည်ရင်းနှီးမှုကို အလေးပေးဖော်ပြခဲ့ကြပြီး နိုင်ငံတကာဥပဒေနှင့် ဘက်စုံပါဝင်အမှုအပေါ် ကတိကဝတ်သည် ပိုမိုနက်ရှိုင်းသော ထိတွေ့ဆက်ဆံမှုများအတွက် အခြေခံအုတ်မြစ်ဖြစ်ကြောင်း ဖော်ပြခဲ့ကြသည်။ Sudary က Mesut Ozcan သည် နှစ်နိုင်ငံဆက်ဆံရေးကို မြှင့်တင်ပေးနိုင်မည်ဟု ယုံကြည်ကြောင်း၊ ဒေသတွင်း တည်ငြိမ်မှုနှင့် ပွင့်လင်းသောနိုင်ငံတကာ အစီအစဉ်တစ်ခုကို ထိန်းသိမ်းရန် အရေးကြီးကြောင်းနှင့် စီးပွားရေးတိုးတက်မှုကို ထိန်းသိမ်းရန် ငြိမ်းချမ်းရေးသည် မရှိမဖြစ်လိုအပ်ကြောင်း ထောက်ပြခဲ့သည်။ Sudary က စီးပွားရေးကိစ္စများတွင် ကမ္ဘောဒီးယား-တူရကီ ပူးတွဲစီးပွားရေးကော်မတီ (JEC) ကို ခရီးသွားလုပ်ငန်း၊ ပညာရေးနှင့် ယဉ်ကျေးမှု ဖလှယ်ရေးတို့တွင် အရေးကြီးကြောင်းနှင့် အဆင့်မြင့်ဖလှယ်မှုများမှတဆင့် နှစ်နိုင်ငံဆက်ဆံရေးကို မဟာ ဗျူဟာမြောက် မိတ်ဖက်ဆက်ဆံရေးအဖြစ် မြှင့်တင်နိုင်ရန် မျှော်လင့်ကြောင်းပြောကြားခဲ့သည်။ Ozcan က အစိုးရနှင့် လွှတ်တော်လမ်းကြောင်းများမှတဆင့် ကမ္ဘောဒီးယားနိုင်ငံနှင့် ပူးပေါင်း ဆောင်ရွက်မှု အားကောင်းလာစေရန် ကတိပြုကြောင်း၊ တူရကီပူးပေါင်းဆောင်ရွက်ရေးနှင့် ညှိနှိုင်းရေးအေဂျင်စီ (TIKA) မှတဆင့် ဆက်လက်လုပ်ဆောင်နေသော ဖွံ့ဖြိုးတိုးတက်ရေး အကူအညီများကိုလည်းပံ့ပိုးသွားမည်ဖြစ်ကြောင်း အလေးပေးပြောကြားခဲ့သည်။ နှစ်နိုင်ငံမှ တာဝန်ရှိသူများသည် နှစ်နိုင်ငံဆက်ဆံရေးတိုးမြင့်လာခြင်းသည် အပြန်အလှန်စီးပွားရေး အကျိုးကျေးဇူးများစွာရရှိစေမည်ဖြစ်ပြီး ရေရှည်ဖွံ့ဖြိုးတိုးတက်မှုကို ပံ့ပိုးပေးမည်ဟု ယုံကြည်ကြောင်း ဖော်ပြခဲ့ကြောင်း သိရှိရပါသည်။
Source: Khmer Times
DOCA(ရန်ကုန်)