ရှမ်းပြည်နယ်(တောင်ပိုင်း)၊ စားသုံးသူရေးရာဦးစီးဌာန၊ ကလောခရိုင်ဦးစီးမှူးရုံး(အောင်ပန်း) မှ ဒုတိယဦးစီးမှူး ဦးဆောင်သောဝန်ထမ်းများသည် အထွေထွေအုပ်ချုပ်ရေးဦးစီးဌာနနှင့် ပူးပေါင်း၍ (၃.၆.၂၀၂၆)ရက်နေ့၊ (၁၂:၀၀)နာရီအချိန်တွင် ကလောမြို့နယ်၊ အောင်ပန်းမြို့ပေါ်ရှိ စားသုံးဆီ လက်လီအရောင်းဆိုင်များအား ကွင်းဆင်းစစ်ဆေး ခြင်းဆောင်ရွက်ခဲ့ပါသည်။
ထိုသို့ စစ်ဆေးရာတွင် အောင်ပန်းမြို့ပေါ်ရှိ စားသုံးဆီလက်လီအရောင်းဆိုင် လုပ်ငန်းရှင်များ အနေဖြင့် မိမိတို့ရရှိသော ခွဲတမ်းများအား စာအုပ်စနစ်ဖြင့် ရပ်ကွက်အလိုက် အိမ်ထောင်စုတစ်စုတွင် (၁)ပိဿာနှုန်းဖြင့် ရောင်းချပေးခြင်း၊ သက်မှတ်ရည်ညွှန်းဈေနှုန်းများအတိုင်း ရောင်းချပေးခြင်း၊ အခြားမသမာသောနည်းလမ်းများသုံး၍ ရောင်းချမှုမရှိခြင်းနှင့် ဈေးကစားရန်ရည်ရွယ်ပြီး သိုလှောင် ထားခြင်းမရှိကြောင်း စစ်ဆေးတွေ့ရှိရပါသည်။ တစ်နေ့စာတစ်နေ့ ကုန်အောင် ရောင်းချပေးပြီး လက်ကျန်လည်း မထားရှိပါကြောင်း ရက်ကျော်လွန်လျှင်လည်း ပြန်လည်ရောင်းချပေးပါကြောင်း သိရှိရပြီး မိမိတို့ဌာနမှလည်း သိုလှောင်ထားခြင်းရှိပါက အရေးယူဆောင်ရွက်သွားမည်ဖြစ်ကြောင်း အသိပညာပေးဆွေးနွေးခဲ့ပါသည်။
DOCA(ရှမ်း)