စားသုံးသူရေးရာဦးစီးဌာန၊ ပခုက္ကူခရိုင်ဦးစီးမှူးရုံးမှ စားသုံးသူရေးရာဌာနခွဲတာဝန်ခံ ဒု-ဦးစီးမှူး ဒေါ်နွယ်နွယ်အေးသည် (၈.၆.၂၀၂၆)ရက်နေ့၊ နေ့လယ်(၁၄:၃၀)အချိန်တွင် ပခုက္ကူမြို့၊ အမှတ်(၁၅) ရပ်ကွက်ရှိ “စည်သာ” နှင့် “ ဘုန်းပြည့်မာန် ” မြေပဲဆုံဆီ ထုတ်လုပ် ရောင်းချ သော လုပ်ငန်းရှင်များထံသို့ သွားရောက်၍ အသိပညာပေးဆွေးနွေးခဲ့ပါသည်။
စားသုံးသူရေးရာဌာနခွဲတာဝန်ခံကဆွေးနွေးရာတွင် စားသုံးသူကာကွယ်ရေးဥပဒေပါ အခန်း(၁၀) စီးပွားရေးလုပ်ငန်းရှင်၏ တာဝန်များဖြစ်သော လုပ်ငန်းများ လုပ်ကိုင်ရာတွင် စီးပွားရေးကျင့်ဝတ် စည်းကမ်းနှင့်အညီ ဖြောင့်မတ်မှန်ကန်စွာဆောင်ရွက်ခြင်း၊ ကုန်စည်(သို့)ဝန်ဆောင်မှုနှင့် စပ်လျဉ်း၍ သက်ဆိုင်ရာ အစိုးရဌာန၊ အစိုးရအဖွဲ့အစည်းများက သတ်မှတ်ထားသည့် အရည်အသွေးစံသတ်မှတ် ချက်များ အပေါ်အခြေခံ၍ အာမခံချက်ပေးရမည်ဖြစ်ပြီး အခန်း(၁၂)ပြဌာန်းချက်ပါ ကုန်စည်နှင့်စပ်လျဉ်း ၍ အာမခံပေးထားမှုအပေါ် စားသုံးသူက တောင်းဆိုနိုင်သည့်အခွင့်အရေးများရှိ၍ မိမိတို့ ဘက်မှ မိမိတို့ ထုတ်ကုန်များအား ဥပဒေပြဌာန်းချက်များ၊ သတ်မှတ်ချက်များ၊ အာမခံချက်များနှင့်အညီ တာဝန်ယူ မှု၊ တာဝန်ခံမှုရှိသော လုပ်ငန်းရှင်များဖြစ်စေလိုကြောင်း၊ စားသုံးသူများအတွက် လည်းလုံခြုံစိတ်ချ ရမှုရှိ သော ကုန်စည်များကို ပိုမိုရွေးချယ်ဝယ်ယူအသုံးပြုလာနိုင်မည်ဖြစ်၍ စားသုံးသူရောလုပ်ငန်းရှင်ပါ နှစ်ဦး နှစ်ဖက်အကျိုးရှိသော Win Win ဖြစ်စေရန် ဆောင်ရွက်လျက်ရှိကြောင်း အသိပညာပေးဆွေးနွေးခဲ့ပြီး လက်ကမ်းစာစောင်များဖြန့်ဝေခဲ့ကြောင်း သိရှိရပါသည်။
DOCA(မကွေး)