၂၀၂၆ခုနှစ်၊ ဇွန်လ (၈)ရက်နေ့၊ နံနက်(၀၉:၃၀)နာရီအချိန်တွင် စားသုံးသူရေးရာဦးစီးဌာန၊ ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်တာဝန်ခံရုံးမှ စစ်ဆေးရေးမှူးနှင့်ဝန်ထမ်းများသည် တာချီလိတ်မြို့၊ ဝမ်ကောင်းရပ်ကွက်၊ ဆန်ဆိုင်း(က)ရပ်ကွက်နှင့် ဝိန်းကျောက်ရပ်ကွက်အတွင်းရှိ ဆန်ရောင်းဝယ်ရေးလုပ်ငန်းရှင်များနှင့်တွေ့ဆုံ၍ မြန်မာဆန်စပါးအွန်လိုင်း MyRoတွင် ဆန်စပါးသို လှောင်ရုံမှတ်ပုံတင်ထားရှိမှု လုပ်ငန်းစဉ်များအား ကွင်းဆင်းအသိပညာပေးခြင်း ဆောင်ရွက်ခဲ့ ပါသည်။
ထိုသို့တွေ့ဆုံရာတွင် ဆန်တန်ချိန်(၂၅)တန်နှင့်အထက် သိုလှောင်ရုံသို့မဟုတ် စပါးတင်း (၂၅၀၀)နှင့်အထက်သိုလှောင်ရုံများအား မြန်မာဆန်စပါးအွန်လိုင်းMyRoတွင် ဆန်စပါးသိုလှောင်ရုံ မှတ်ပုံတင်ခြင်းပြုလုပ်ရန်နှင့် မြန်မာဆန်စပါးအွန်လိုင်းMyRoတွင် သိုလှောင်ရုံမှတ်ပုံတင်ထားသော ဆန်စပါးလုပ်ငန်းရှင်များအနေဖြင့် သိုလှောင်ရုံများ၏ ကုန်ရ၊ ကုန်ထုတ်၊ လက်ကျန် စာရင်းများအား လစဉ်လဆန်း(၁)ရက်နေ့မှ(၁၀)ရက်နေ့အတွင်း အချိန်မှီ ဖြည့်သွင်းဆောင်ရွက်ကြရန်၊ ထည့်သွင်း စဉ်မြေပြင်စာရင်းနှင့်ကိုက်ညီမှုရှိစေရန်နှင့် ဆန်စပါးသိုလှောင်ရုံမှတ်ပုံတင်ထားသော ဆန်စပါး လုပ်ငန်းရှင်များအနေဖြင့် သိုလှောင်ရုံများအား တစ်နှစ်တစ်ကြိမ်သက်တမ်းတိုးခြင်းလုပ်ငန်းများ ဆောင်ရွက်ရန် ဆွေးနွေးခဲ့ပါသည်။
DOCA(ရှမ်း)