ပုသိမ်မြို့၊ မြို့တော်ခန်းမတွင် ဒေသတွင်း အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ထုတ်ကုန်ပြပွဲနှင့် စျေးရောင်းပွဲတော် ဖွင့်ပွဲအခမ်းအနားကို ဒီဇင်ဘာလ (၁၄)ရက်နေ့ နေ့လယ် (၁၄:၀၀) နာရီတွင် ကျင်းပပြုလုပ်ရာ တိုင်းဒေသကြီးအစိုးရအဖွဲ့ ၀န်ကြီးချုပ် ဦးတင်မောင်၀င်း၊ အစိုးရအဖွဲ့၀င်၀န်ကြီးများ၊ တိုင်းဒေသကြီးအဆင့် ဌာန ဆိုင်ရာများ၊ ကုမ္ပဏီ/စီးပွားရေးအသင်းအဖွဲ့များ မြို့ပေါ်နှင့် မြို့နယ်များရှိ စီးပွားရေး လုပ်ငန်းရှင်များ၊ ဖိတ်ကြားထားသော ဧည့်သည်တော်များ တက်ရောက်၍ ပြခန်းပေါင်း (၆၀)ကျော် နှင့် စျေးရောင်းပွဲတော်ကို ဒီဇင်ဘာလ (၁၄/၁၅) ရက် (၂)ရက် ကျင်းပပြုလုပ်သွားမည်ဖြစ်ကြောင်း သိရသည်။
ပြပွဲတွင် စိုက်ပျိုးရေးဦးစီးဌာနမှ တိုင်းအတွင်းရှိ စျေးကွက်၀င် စပါးမျိုးများ စိုက်ပျိုးမှု မှတ်တမ်းဓာတ်ပုံများနှင့် မျိုးသန့်စပါးထုတ်လုပ်မှု သစ်တောဦးစီးဌာနမှ ဟိုတယ်၊ စားသောက်ဆိုင်များတွင် အလှဆင်ရန် ပန်းပုရုပ်များနှင့် ဝါးကြိမ်လက်မှုပစ္စည်း ထုတ်လုပ်ရန် မြန်အောင်မြို့နယ်နှင့် လေးမျက်နှာမြို့နယ်တို့တွင် စိုက်ပျိုးတည်ထောင်ထားသော စီးပွားဖြစ် ပုဂ္ဂလိက ဝါးစိုက်ခင်းများ၊ အသေးစားစက်မှုလက်မှုလုပ်ငန်း ဦးစီးဌာနမှ ငှက်ပျောလျှော်ဖြင့် ထုတ်လုပ်သည့် ဖိနပ်၊ စက္ကူ၊ စက္ကူအိတ်၊ ပိုက်ဆံအိတ်၊ ဦးထုပ်၊ လက်ကိုင်အိတ်၊ ပုသိမ်ထီး၊ တစ်ရှုးဘောက်နှင့် အခြားအလှကုန် ပစ္စည်းများ ပါ၀င်ပြသ၍ တိုင်းအတွင်းရှိ ခရိုင်မြို့နယ်မှ ပြည်တွင်း/ပြည်ပစျေးကွက်၀င် ဆန်စပါးလုပ်ငန်း အပါအ၀င် Golden Falcon ဆားလုပ်ငန်း၊ ဆီစက်လုပ်ငန်း ပြည်ပစျေးကွက်၀ယ်လိုအားရှိသော စားသောက်ကုန် လုပ်ငန်း၊ လက်မှုလုပ်ငန်း၊ လူသုံးကုန်လုပ်ငန်း၊ ရေထွက်ပစ္စည်းလုပ်ငန်း၊ စပါးခွံလောင်စာတောင့် လုပ်ငန်း၊ လျှစ်စစ်စက်ဘီး ထုတ်လုပ်မှုလုပ်ငန်းများနှင့်အတူ ပုသိမ်ခရိုင်၊ ပုသိမ်မြို့မှ ဆန်စက်လုပ်ငန်း၊ ရွှေပျားပဲငံပြာရည် စားသောက်ကုန်လုပ်ငန်း၊ နယူးဇီးဘိန် ၀က်အူချောင်း/ကြက်အူချောင်းလုပ်ငန်း၊ ရွှေမြင်းပျံ ဟာလဝါလုပ်ငန်း၊ ငွေကျား ဆီစက်လုပ်ငန်း၊ ပုသိမ်စက်မှုဇုန်ရှိ ကြက်စာ၊ ဘဲစာ၊ ၀က်သား ပေါက်စာ၊ ၀က်သားခွဲစာလုပ်ငန်း၊ ငပုတောမြို့နယ်မှ ငါးပိလုပ်ငန်း၊ ကြီးမြင့်ကိတ်မုန့်လုပ်ငန်း၊ ကန်ကြီးထောင့်မြို့နယ်မှ ဒေါ်စာမ ၀က်အူချောင်းလုပ်ငန်း၊ ကျောင်းကုန်းမြို့နယ်မှ သီဟဆန်စက်လုပ်ငန်း၊ တီတီမေ ၀က်အူချောင်း/ကြက်အူချောင်းလုပ်ငန်း၊ ဖူးမောက် ဆီစက်လုပ်ငန်း၊ ရေကြည်မြို့နယ်မှ ကွင်းချောင်း ရေချိုငါးပိလုပ်ငန်း၊ နုထွေးဂျင်းသုပ်လုပ်ငန်း၊ Aung Pamily မှ ကြိမ်၊ ဝါးဗေဒါ လက်မှုလုပ်ငန်း၊ ၀င်းဧရာဝါးတူလုပ်ငန်း၊ ရေကြည်ပေါ်ဆန်း ဘေးကြား ထုတ်လုပ်မှုလုပ်ငန်း၊ KSO သီဟိုဠ်စေ့လုပ်ငန်း၊ ကျုံပျော်ခရိုင်၊ ကျုံပျော်မြို့နယ်မှ ဖိုးထူးအင်းရဲမျှင်လုပ်ငန်း၊ နိုင်ငှက်ပျောကြော်လုပ်ငန်း၊ ရွှေငွေထွန်း ပီလောပီနံလုပ်ငန်း၊ သာပေါင်းမြို့နယ်မှ ရွှေချိန်ခွင် ဖိနပ်လုပ်ငန်း၊ ဘုရင်မမုန့်မျိုးစုံလုပ်ငန်း၊ ဟင်္သာတခရိုင်အတွင်းရှိ ဟင်္သာတမြို့နယ်မှ ရွှေသရဖူဇီးဖျော်ရည်လုပ်ငန်း၊ နိုင်ဆီစက်လုပ်ငန်း၊ မြတ်ရတနာ ဘာလချောင်ကြော်နှင့် ငံပြာရည်ကြော်လုပ်ငန်း၊ ဒေါ်ဟန်ကြက်အူချောင်း ၀က်အူချောင်း လုပ်ငန်း၊ အောင်မြင်စံမုန့်ဟင်းခါးအနှစ်နှင့် စားသောက်ကုန်လုပ်ငန်း၊ အာကာရတနာဆန်စက်လုပ်ငန်း၊ ဌေးဌေးရီ စပါးခွံလောင်စာတောင့်လုပ်ငန်း၊ ဇလွန်နှင့် လေးမျက်နှာမြို့နယ်မှ မဗေဒါ ပဲကြီးလှော်လုပ်ငန်း၊ မလှအေးဂျင်းသုပ်နှင့် စားသောက်ကုန်လုပ်ငန်း၊ မြန်အောင်ခရိုင်၊ မြန်အောင်မြို့နယ်နှင့် လေးမျက်နှာမြို့နယ်အတွင်းရှိ စီးပွားဖြစ် ပုဂ္ဂလိက ဝါးစိုက်ခင်းများ၊ သဘာ၀ဝါးတောများမှ မျှင်ဝါး၊ ကရင်ဝါး၊ သိုက်ဝါး၊ ကျသောင်ဝါး၊ ကရင်းဝါးနှင့် အခြားဝါးများ စိုက်ပျိုး၍ လူသုံးကုန်နှင့် လက်မှုပစ္စည်းများ ထုတ်လုပ်မှုနှင့် မွမွလေး ပဲရွကြော်လုပ်ငန်း၊ ခမောက်လုပ်ငန်း၊ သန့်စင်အသင့်စား ထမင်းသုပ်လုပ်ငန်း၊ ကြံခင်းမြို့နယ်မှ ရွှေလက်ရာ ထမင်းသုပ်လုပ်ငန်း၊ မြောင်းမြခရိုင်၊ မြောင်းမြမြို့နယ် အတွင်းရှိ စပါးခွံလောင်စာတောင့်လုပ်ငန်း၊ ပေါ်ဆန်းဆန်လုပ်ငန်း၊ ကျောက်ဆူးကပ်စေးနှဲလုပ်ငန်း၊ မော်မော်ကြာဆန်မရွေး၊ ခေါက်ဆွဲမရွေးလုပ်ငန်း၊ စံပြဆန်ကြာဇံလုပ်ငန်း၊ အိမ်မဲမြို့နယ်နှင့် ဝါးခယ်မမြို့နယ်မှ သိန်းတစ်ရာဆန်စက် ပေါင်းဆန်လုပ်ငန်း၊ ဒေါ်သန်းသန်း၀င်း ငါးခုံးမချဉ်လုပ်ငန်း၊ ဗိုလ်မငါးဖယ်မုန့်လုပ်ငန်း၊ ဒေါ်သန်းသန်း၀င်း ပုစွန်ချဉ်လုပ်ငန်း၊ ဦးမြသိန်း ငါးကျည်း ခြောက်လုပ်ငန်း၊ ရွှေညာမုန့်ဟင်းရည်ခြောက်လုပ်ငန်း၊ လပွတ္တာခရိုင်၊ လပွတ္တာမြို့နယ်မှ ဆင်းသုခ ဆန်ထုတ်လုပ်မှု၊ ဂဏန်းပျော့လုပ်ငန်း၊ မိသားစုမုန့်တိုက်၊ နေလှန်းဆား ထုတ်လုပ်မှု တင်းအစားထိုးလောင်စာတောင့်လုပ်ငန်း၊ အိုင်အိုဒင်းဆားထုတ်လုပ်မှုလုပ်ငန်း၊ ဂဏန်းမြုံးထုတ်လုပ်မှုလုပ်ငန်း၊ မော်လမြိုင်ကျွန်းမြို့နယ်မှ သုခစံစပါးခွံလောင်စာတောင့်လုပ်ငန်း၊ ကောင်းအသင့်စား ငါးရံ့ခြောက်လုပ်ငန်း၊ ရွှေပြည့်စုံစပါးခွံလောင်စာတောင့်လုပ်ငန်း၊ ဇင်မာဦးအသင့်စားမုန့်ဟင်းခါးဟင်းရည်အခြောက်ထုတ်လုပ်ငန်း၊ နီလာပုစွန်မုန့်လုပ်ငန်း၊ ငါးဖယ်မုန့် လုပ်ငန်း၊ ဆန်စက်လုပ်ငန်း၊ ကောင်းအသင့်စားငါးဒန်ခြောက်လုပ်ငန်း၊ လပွတ္တာမြို့နယ်မှ လောင်စာတောင့်လုပ်ငန်း၊ အိုင်အိုဒင်းဆားချောလုပ်ငန်း၊ စတားမုန့်တိုက် မုန့်မျိုးစုံလုပ်ငန်း၊ ဂဏန်းမွေးမြူရေးလုပ်ငန်း၊ မအူပင်ခရိုင်အတွင်းရှိ မအူပင်မြို့၊ မအူပင်စက်မှုဇုန်မှ New Talent Industrial co., Ltd. အထည်ချုပ်လုပ်ငန်း၊ ရွှေကုလားကျွန်းပွဲရုံ ဆီစက်လုပ်ငန်း၊ ကျားပဲမုန့်လုပ်ငန်း၊ ပြည့်ဖြိုးကြွယ် စပါးခွံလောင်စာတောင့်လုပ်ငန်း၊ ပန်းတနော်မြို့နယ်မှ ငါးမွေးမြူရေးနှင့် ငါးအသားလွှာလုပ်ငန်း၊ သင်ဖျူးဖျာလုပ်ငန်း၊ အဆင့်မြင့်ကြိမ်၊ ဗေဒါပရိဘောဂနှင့် မြန်မာ့ရိုးရာလက်မှုပစ္စည်းလုပ်ငန်း၊ ညောင်တုန်းမြို့နယ် Delta Queen မှ ဒိန်ချဉ်၊ နွားနို့၊ နို့ဆီ၊ နို့ခဲ လုပ်ငန်းများနှင့် Delta King မှ ငါးငံပြာရည်၊ ငါးကြင်းဆီ၊ ငါးခြစ်၊ ငါးဖယ်ချဉ်၊ ငါးဒန်ခြောက်၊ ငါးမုန့်လုပ်ငန်းများ၊ ဓနုဖြူမြို့နယ်ရှိ မာဃပဲမုန့်လုပ်ငန်း၊ အဆွေတော်နှမ်းလုံးနှင့် မုန့်မျိုးစုံလုပ်ငန်း၊ ဖျာပုံခရိုင်၊ ဖျာပုံမြို့နယ်အတွင်းရှိ အသင့်စားငါးနှပ်မီးကင်လုပ်ငန်း၊ ဓနိဖူးခြောက်လုပ်ငန်း၊ ဘိုကလေးမြို့နယ်မှ မင်းသားပေါင်မုန့်လုပ်ငန်း၊ ကျိုတ်လတ်မြို့နယ်မှ အသင့်စား ငါးခြောက်လုပ်ငန်း၊ ဒေးဒရဲမြို့နယ်မှ ရွှေထင်းလောင်စာ တောင့်လုပ်ငန်းများ အပါအ၀င် ညောင်တုန်းမြို့နယ်ရှိ Mi Mi CAR Company Ltd. မှ လျှပ်စစ်စက်ဘီးထုတ်လုပ်ငန်းများ ပါဝင်ပြသရောင်းချသွားမှာဖြစ်ကြောင်း သိရသည်။
ဧရာ၀တီတိုင်းဒေသကြီး အစိုးရအဖွဲ့၀န်ကြီးချုပ် ဦးတင်မောင်၀င်းက ပြပွဲအတွင်းရှိ MSME အငယ်စား၊ အသေးစားနှင့် အလတ်စား စီးပွားရေးလုပ်ငန်းရှင်များနှင့် တွေ့ဆုံခဲ့ရာတွင် တိုင်းအတွင်းရှိ သဘာ၀အရင်းအမြစ်များကို အသုံးပြု၍ စျေးကွက်စီးပွားရေးစနစ်နှင့်အညီ နိုင်ငံတော်မှ ဖော်ဆောင်လျှက်ရှိသော ပုဂ္ဂလိကစီးပွားရေး MSME လုပ်ငန်းများသည် နိုင်ငံစီးပွားရေးနှင့် ဒေသဖွံ့ဖြိုးတိုးတက်ရေးများစွာ အထောက်အကူပြုမှာဖြစ်ပြီး မိမိတို့ တိုင်းဒေသကြီးအတွင်း မြို့နယ်များတွင် ထုတ်လုပ်လျှက်ရှိသော ပြည်တွင်းပြည်ပစျေးကွက်၀င် စားသောက်ကုန်၊ လူသုံးကုန်နှင့် ဒေသထွက်ကုန်များအား တန်ဖိုးမြင့် ထုတ်ကုန်အဖြစ် ထုတ်လုပ်၍ စျေးကွက်ကျယ်ပြန့်လာစေရန်နှင့် ပြည်ပစျေးကွက်သို့ ထိုးဖောက်နိုင်ရန် နိုင်ငံတော်၊ ဒေသအာဏာပိုင် စီးပွားရေးလုပ်ငန်းရှင်များ၊ ဌာနဆိုင်ရာများနှင့် ပူးပေါင်း ဆောင်ရွက်ရမှာဖြစ်ပြီး လိုအပ်သည်များကိုလည်း ကူညီဆောင်ရွက်ပေးမှာ ဖြစ်ကြောင်း ပြောကြား၍ ယခုလို အသေးစား၊ အငယ်စားနှင့် အလတ်စား စီးပွားရေး ထုတ်ကုန်များ၊ ပြပွဲနှင့် စျေးရောင်းပွဲတော်များ ပြုလုပ်ပေးခြင်းအတွက် စီးပွားရေး လု်ပငန်းရှင်များ အနေဖြင့် မိမိတို့ ထုတ်ကုန်များအတွက် စျေးကွက်အခွင့်အလမ်းကောင်းများ ရရှိနိုင်သလို ၀ယ်ယူသူများမှလည်း တစ်နေရာတည်း၌ ဒေသထွက်ကုန်များ စိတ်ကြိုက်ရွေးချယ် ၀ယ်ယူနိုင်ပြီး လုပ်ငန်းရှင်နှင့် ပြည်သူများ အကျိုးကျေးဇူးရရှိမည့် MSME စီးပွားရေး ထုတ်ကုန်ပြပွဲနှင့် စျေးရောင်းပွဲတော်ကိုလည်း အလျဉ်းသင့်သလို စဉ်ဆက်မပြတ် ကျင်းပခြင်းဖြင့် မိမိတို့ဒေသထွက်ကုန်များ စျေးကွက်ပိုမို ကျယ်ပြန့်လာမှာဖြစ်ကြောင်း ရေးသားတင်ပြလိုက်ရပါသည်။
DOCA(ဧရာဝတီ)