အနောက်အာရှပဋိပက္ခကြောင့် ရေနံစိမ်းဈေးနှုန်းများ သိသိသာသာ မြင့်တက်လာပြီး နောက်ပိုင်းတွင် အိန္ဒိယနိုင်ငံအတွက် စိုးရိမ်စရာအသစ်တစ်ခုမှာ မုတ်သုံမိုးခေါင်မှုက ငွေကြေးဖောင်းပွမှုအပေါ် သက်ရောက်နိုင်သည့် အလားအလာပင်ဖြစ်ကြောင်း သိရှိရပါသည်။
အယ်လ်နီညို (El Nino) ဖြစ်ပေါ်လာခြင်းသည် မိုးရွာသွန်းမှုကို ခြိမ်းခြောက်နေပြီး အစားအစာဈေးနှုန်းများ မြင့်တက်လာစေနိုင်ပြီး စီးပွားရေးပညာရှင်များက ထိုအခြေအနေကို စိုးရိမ်စရာအကြောင်း အရင်းသစ်တစ်ခုအဖြစ် ရှုမြင်ကြပြီး အိန္ဒိယနိုင်ငံ၏ နှစ်ပတ်လည် မိုးရေချိန် ၇၀% ခန့်ကို ပံ့ပိုးပေးသည့် အနောက်တောင်မုတ်သုံမိုးသည် အမေရိကန်ဒေါ်လာ ၃၀၀ ဘီလီယံတန်ဖိုးရှိ စိုက်ပျိုးရေးကဏ္ဍအတွက် အရေးပါပြီး အစားအစာဈေးနှုန်းများနှင့် ကျေးလက်ဒေသ၏ ဝယ်လိုအားအပေါ် တိုက်ရိုက်သက်ရောက်မှုရှိကြောင်း သိရပါသည်။
အကြီးတန်းစီးပွားရေးပညာရှင် Mitali Nikore က ရေနံစိမ်းအကျပ်အတည်းပြီးနောက်၊ မုတ်သုံမိုး ခေါင်ခြင်းသည် ၂၀၂၆ ခုနှစ်အတွက် အိန္ဒိယနိုင်ငံ၏ ဒုတိယမြောက် အရေးကြီးသော ထောက်ပံ့မှုူဆိုင်ရာ စိန်ခေါ်မှုူဖြစ်ပြီး၊ ၎င်းသည် ပိုမို၍ ဖွဲ့စည်းပုံဆိုင်ရာ အကျပ်အတည်းတစ်ရပ်ဖြစ်ကြောင်း မှတ်ချက်ပြုခဲ့ပြီး အိန္ဒိယနိုင်ငံ၏ မိုးလေဝသဌာန (IMD)က မိုးရေချိန်သည် ရေရှည်ပျမ်းမျှ၏ ၉၀% သာရှိမည်ဟု ခန့်မှန်းထားပြီး၊ ၎င်းမှာ ၂၀၁၅ ခုနှစ်နောက်ပိုင်း အားအနည်းဆုံးခန့်မှန်းချက်ဖြစ်ပြီး ဆယ်စုနှစ်များစွာအတွင်း ဆည်မြောင်းနှင့် ရေဝေရေလဲစီမံခန့်ခွဲမှုတွင် ရင်းနှီးမြှုပ်နှံမှု မလုံလောက်မှုကြောင့် စိုက်ပျိုးမြေဧရိယာ ၄၅% နီးပါးသည် မိုးရေကိုသာ အဓိကမှီခိုနေရခြင်းဖြစ်သဖြင့် ဤအခြေအနေမှာ အထူးစိုးရိမ်ဖွယ်ရာဖြစ်ကြောင်း ပြောကြားခဲ့သည်ဟု သိရသည်။
ဇွန်လသို့ ချဉ်းကပ်လာချိန်တွင် အဓိကရေလှောင်ကန်သုံးပုံနှစ်ပုံနီးပါးသည် ၎င်းတို့၏ စွမ်းဆောင်ရည်ထက်ဝက်အောက် လျော့နည်းနေပြီး၊ ၎င်းမှာ ရာသီစိုက်ပျိုးမှု၊ ကျေးလက်ဝင်ငွေနှင့် အစားအစာ ငွေကြေးဖောင်းပွမှုအပေါ် ဖိအားပေးနိုင်သည့် လက္ခဏာဖြစ်ပြီး ထိုပြသနာသည် ကျေးလက်ဒေသများတွင်သာမက မြို့ပြဒေသများတွင်ပါ သက်ရောက်နေပြီး မြို့ပြအပူကျွန်းများ (Urban Heat Islands) ကြောင့် မြို့ပြအပူချိန်များသည် ကျေးလက်ဒေသများထက် ၂-၈ ဒီဂရီစင်တီဂရိတ် ပိုမိုမြင့်တက်လာစေကြောင်း သိရှိရပါသည်။
၂၀၃၀ ခုနှစ်အရောက်တွင် အိန္ဒိယနိုင်ငံအနေဖြင့် အပူချိန်လွန်ကဲမှုကြောင့် အလုပ်ချိန် ၅.၈.% ခန့် ဆုံးရှုံးနိုင်ဖွယ်ရှိပြီး မြို့ပြများတွင် လူဦးရေ၏ သုံပုံနှစ်ပုံကို ထုတ်လုပ်ပေးနေသည့်အတွက် အပူဒဏ်၏ သက်ရောက်မှုကို မြို့ပြဖွံ့ဖြိုးတိုးတက်မှုအတွက် စိန်ခေါ်မှုတစ်ခုအဖြစ် ယခုအခါ အသိအမှတ်ပြုလာကြပြီး မြို့ပြခံနိုင်ရည်အား (Urban Resilience) ဆိုင်ရာ လေ့လာချက်များအရ Lucknow ၊ Chennai နှင့် Surat ကဲ့သို့သော မြို့ကြီးများတွင် အပူဒဏ်ကြောင့် ကုန်ထုတ်စွမ်းအား ဆုံးရှုံးမှုူသည် ၂၀၅၀ ခုနှစ် အရောက်တွင် စီးပွားရေးထုတ်ကုန်၏ ၂-၄% အထိ ရှိလာနိုင်ကြောင်း သိရပြီး ကျွမ်းကျင်သူများက မုတ်သုံမိုး ပုံမှန်အောက်လျော့နည်းခြင်းသည် အိန္ဒိယဗဟိုဘဏ်(RBI)၏ အတိုးနှုန်းကို ထပ်မံ လျှော့ချနိုင်သည့် စွမ်းရည်ကိုကန့်သတ်နိုင်ပြီး၊ အနာဂတ်တွင် ချေးငွေကုန်ကျစရိတ်နှင့် စားသုံးသူဝယ်လိုအားအပေါ် သက်ရောက်မှုရှိလာနိုင် ကြောင်းကို သတိပေးထားကြောင်း သိရှိရပါသည်။
Source : Dailyhunt
DOCA (ရန်ကုန်)