ပဲခူးတိုင်းဒေသကြီး၊ နတ်တလင်းခရိုင်၊ ဇီးကုန်းမြို့နယ်တွင် ဇူလိုင်လ(၇)ရက်နေ့ နေ့လည်(၁း၀၀) နာရီ တွင် မြို့နယ်စည်ပင်သာယာဈေးနှင့် ဈေးအနီးကုန်မျိုးစုံဆိုင်(၈)ဆိုင်အား တားမြစ်ထားသော အမှတ်တံဆိပ်ပါ စားသုံးဆီများနှင့် ခွဲတမ်းရစားအုန်းဆီများ သတ်မှတ်ထားသော အရည်အသွေးပြည့်မီရေး၊ ကျန်းမာရေးနှင့် ကိုက်ညီပြီး ဘေးအန္တရာယ်ကင်းစွာ သုံးစွဲနိုင်ရေး ရည်ရွယ်၍ ခရိုင်မြို့နယ်အဖွဲ့စုံဖြင့် စစ်ဆေးခဲ့ပါသည်။
အဆိုပါစစ်ဆေးမှုတွင် တရားဝင်ရောင်းချခွင့် မပြုထားသော ပုဇွန်နှစ်ကောင်အမှတ်တံဆိပ် ဘူးသွပ်ဆီ ရောင်းချမှုရှိ/မရှိနှင့် ရည်ညွှန်းဈေးဖြင့် ခွဲတမ်းရစားအုန်းဆီဆိုင်များအား အိမ်ထောင်စု စာရင်းပါ ဆောင်ရွက်ထားသော ဆီထုတ်စာအုပ်ဖြင့် ရောင်းချစေရန်၊ အပါတ်စဉ် ဈေးနှုန်းပြောင်း လဲမှုအား ဗီနိုင်းချိတ် ဆွဲ၍ ရောင်းချရန် ဌာနမှသတ်မှတ်ထားသော မှန် (၆)မှန်နှင့်အညီ အရည်အသွေး၊ အလေးချိန်၊ ဈေးနှုန်း၊ နေရာ၊ သတ်မှတ်ပမာဏ သတ်မှတ်စည်းကမ်းချက်များအား မြို့နယ်အထွေထွေအုပ်ချုပ်ရေးဦးစီးဌာနမှ တာဝန်ရှိသူများ၊ နတ်တလင်းခရိုင်စားသုံးသူရေးရာ ဦးစီးဌာနမှ ခရိုင်ဦးစီးမှူးဒေါ်အေးအေးသင်းနှင့်ဝန်ထမ်းများ ၊ မြို့နယ်စားသုံးသူရေးရာ ဦးစီးဌာန၊ မြို့နယ်တာဝန်ခံဒေါ်မြင့်မြင့်ခင်နှင့် ဝန်ထမ်းများ၊ နတ်တလင်းခရိုင် အထူး စုံစမ်းစစ်ဆေးရေးမှူး ဦးဇင်မျိူးသူနှင့် တာဝန်ရှိသူများ မြန်မာနိုင်ငံရဲတပ်ဖွဲ့ဝင်များ၊ စည်ပင်နှင့် ပြန်ဆက်ဌာနမှတာဝန်ရှိ သူများနှင့် ပူးပေါင်းဆောင်ရွက် ခဲ့ပါသည်။
DOCA(ပဲခူး)