စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူရုံးသည် စစ်ကိုင်းမြို့ရှိ MSME ထုတ်ကုန်များ အား ကုန်အညွှန်းအမှတ်အသားဖော်ပြချက်များနှင့် ကိုက်ညီမှု ရှိ၊ မရှိ ၂၀၂၆ ခုနှစ်၊ ဇူလိုင်လ တတိယပတ်တွင် စစ်ဆေးခဲ့ပြီး ကုန်အညွှန်းအမှတ်အသားဖော်ပြချက်များနှင့် ကိုက်ညီမှုရှိရန် လိုအပ်နေသေးသော ထုတ်ကုန်များအား အသိပညာပေးကာလ (၁)လ သတ်မှတ်၍ သတ်မှတ် ချက်အတိုင်း ပြည့်စုံစွာ ဆောင်ရွက်နိုင်စေရေး အသိပညာပေးခဲ့ပါသည်။ ပညာပေးကာလ (၁)လပြည့်မြောက်ပြီးသည့်အချိန် ၂၀၂၆ ခုနှစ်၊ ဇူလိုင်လ ၁၇ ရက်နေ့တွင် စစ်ကိုင်းခရိုင်ဦးစီးမှူးရုံးမှ ဝန်ထမ်း(၂)ဦးနှင့် စစ်ကိုင်းမြို့နယ် တာဝန်ခံတို့သည် ခရိုင်အသေးစားစက်မှုလက်မှုလုပ်ငန်းဦးစီးဌာနမှ တာဝန်ရှိသူနှင့်အတူ စစ်ကိုင်းမြို့ရှိ MSME ထုတ်ကုန်များအား ပြန်လည်စစ်ဆေးခဲ့ကြောင်း သိရှိရ သည်။
ထိုသို့ စစ်ဆေးခဲ့ရာတွင် စစ်ကိုင်းမြို့ရှိ “ခင်မမ” လက်ဖက်၊ ပဲကြော်စုံလုပ်ငန်း၊ “ရွှေအိ” စားသောက်ကုန်လုပ်ငန်း၊ “အောင်ရတီ” ဆီသန့်အာလူးကြော်လုပ်ငန်း၊ “စွမ်းထက်” မရွေးလုပ်ငန်း၊ “Sweety Bakery” ၊ “Soe” သဘာဝဒိန်ချဉ်လုပ်ငန်း၊ “သန့်ဇင်” မုန့်ဟင်းခါးခြောက်လုပ်ငန်းများမှ ထုတ်လုပ်သည့် ထုတ်ကုန်များသည် အသိပညာပေးကာလ (၁)လအတွင်း ကုန်အညွှန်းအမှတ်အသား ဖော်ပြချက်များ ပြည့်စုံစွာဆောင်ရွက်ထားရှိကြောင်း စစ်ဆေးတွေ့ရှိရသည်။ စားသုံးသူရေးရာဦးစီးဌာန မှ တာဝန်ရှိသူက မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ထားသည့် (၂/၂၀၁၉) ညွှန်ကြားချက်ပါ အသေးစိတ်အချက်များ၊ စားသုံးသူကာကွယ်ရေးဥပဒေ အခန်း(၁၁)ပါ ကုန်စည်နှင့် စပ်လျည်း၍ အာမခံချက်ပေးခြင်းဆိုင်ရာ အချက်အလက်များ၊ အခန်း(၂၃)ပါ တားမြစ်ချက်များ ရှင်းလင်း ပြောကြားခဲ့ပြီး အသိပညာပေးခဲ့ကြောင်း သတင်းရရှိပါသည်။
DOCA(စစ်ကိုင်း)