စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ဒေါ်နော်ကြူကြူ( ဦးစီးမှူး ) ဦးဆောင်၍ ၂၀၂၆ ခုနှစ်၊ ဇူလိုင်လ( ၂၁ ) ရက်နေ့ နံနက်( ၁၄:၀၀ )နာရီအချိန်တွင် လွိုင်ကော်မြို့၊ ရှမ်းပိုင်းရပ်ကွက်ရှိ ဝေယံစားသောက်ဆိုင်သို့ အစားအသောက်ပြုပြင်ရောင်းချသည့်နေရာ များသန့်ရှင်းမှု ရှိ/မရှိ၊ အစားအသောက်ကိုင်တွယ်ချက်ပြုတ်သူများ၊ ဝန်ဆောင်မှုပေးသူများ၏ တစ်ကိုယ်ရည်သန့်ရှင်းမှု ရှိ/ မရှိ၊ အစားအသောက်များ လတ်ဆတ်သန့်ရှင်းမှု ရှိ/မရှိ၊ မိမိတို့ဆိုင် မှပေးအပ်သည့်ဝန်ဆောင်မှုနှင့် စပ်လျဉ်း၍ လုံလောက်သည့် သတင်းအချက်အလက်များကို စားသုံးသူသို့ အသိပေးဖော်ပြထားခြင်း ရှိ/မရှိ နှင့် ရောင်းချသည့် စားသောက်ဖွယ်ရာများ၏ ဈေးနှုန်း အားပွင့်လင်းမြင်သာစွာဖြင့် ကြိုတင်အသိပေးဖော်ပြထားခြင်း ရှိ/မရှိ သက်ဆိုင်ရာမိတ်ဖက်များနှင့် ပူးပေါင်း၍ ဈေးကွက်စောင့်ကြည့်စစ်ဆေးဆောင်ရွက်ခဲ့ရာ စားသောက်ဆိုင်လုပ်ငန်းရှင်အနေဖြင့် မိမိဆိုင်တွင် အစားအသောက်ပြုပြင် ရောင်းချသည့် နေရာများအား သန့်ရှင်းသပ်ရပ်စွာ ဆောင်ရွက်ရန်၊ ဝန်ဆောင်မှုပေးသူများအနေဖြင့် တစ်ကိုယ်ရည်သန့်ရှင်းမှုရှိစေရေးကြပ်မတ်ဆောင်ရွက်ရန်၊ မိမိတို့ ဆိုင်မှပေးအပ်သည့် ဝန်ဆောင်မှုနှင့်စပ်လျဉ်း၍ အဖိုးအခထပ်မံကောက်ခံမည်ဆိုပါကလုံလောက် သည့် သတင်းအချက်အလက်များကို စားသုံးသူသို့ အသိပေးဖော်ပြထားရှိရန်၊ အစားအသောက် ထားသိုသည့်နေရာတွင် အသား/ငါးများနှင့် ဟင်းသီး၊ ဟင်းရွက်များအား စနစ်တကျထားသိုသိမ်းဆည်းရန်၊ သက်ဆိုင်ရာဌာန၏ဥပဒေ၊ ညွှန်ကြားချက်များအား လိုက်နာဆောင်ရွက် သွားရန်နှင့် ထပ်မံစစ်ဆေးသည့်အခါ အထက်ဖော်ပြပါအချက်များအား လိုက်နာဆောင်ရွက်မှုမရှိပါက စားသုံးသူကာကွယ်ရေးဥပဒေအရသော်လည်းကောင်း၊ သက်ဆိုင်ရာဌာနဆိုင်ရာများ၏ ဥပဒေများနှင့်ပါ အရေးယူခံရမည်ဖြစ်ကြောင်း အသိပညာပေး ဈေးကွက်စောင့်ကြည့် စစ်ဆေးဆောင်ရွက်ခဲ့ကြောင်း သတင်းရရှိပါသည်။
DOCA(ကယား)