ကရင်ပြည်နယ်၊ဘားအံမြို့နယ်အတွင်းရှိ စားသုံးပြည်သူများ ဘေးကင်လုံခြုံစိတ်ချရသော စားသုံးဆီများကို သင့်တင့်မျှတသောဈေးနှုန်းဖြင့် ဝယ်ယူစားသုံးနိုင်ရေးနှင့် စက်ရုံများ၏လုပ်ငန်း လည်ပတ်မှု အခြေအနေများမှန်ကန်စေရေးအတွက် ယနေ့(ဇူလိုင်လ ၂၃ရက်နေ့)နံနက် ၁၀၃၀နာရီ အချိန်တွင် စားသုံးသူရေးရာဦးစီးဌာနနှင့် ဌာနဆိုင်ရာ ပူးပေါင်းအဖွဲ့တို့သည် ကွင်းဆင်းစစ်ဆေးခဲ့ ကြောင်းသိရသည်။
ထိုသို့ကွင်းဆင်းစစ်ဆေးရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူ ရေးရာဦးစီးဌာန ကရင်ပြည်နယ်ဦးစီးမှူး ဦးဉာဏ်လင်း၊ ဘားအံခရိုင်ဦးစီးမှူး ဦးမျိုးဝင်နိုင်၊စက်မှုကြီး ကြပ်ရေးနှင့်စစ်ဆေးရေးဦးစီးဌာနမှ ဒုတိယညွှန်ကြားရေးမှူး ဦးကြေးမုံထွန်းနှင့် အငယ်တန်းစာရေး ဦးရန်အောင်ထွန်းတို့ပါဝင်သော ပူပေါင်းအဖွဲ့သည် ဘားအံမြို့၊ အမှတ်(၇၀)ရှိ “ရွှေငါးသုံးကောင်” စားအုန်းဆီသန့်စက်ရုံသို့ သွားရောက်၍ လုပ်ငန်းလည်ပတ်နေမှု အခြေအနေများကို ကြည့်ရှုစစ်ဆေး ခဲ့ကြသည်။
ကွင်းဆင်းဆောင်ရွက်ချက်များအရ အရည်အသွေးစစ်ဆေးရာတွင် စက်ရုံအတွင်း စားအုန်းဆီ သန့်စင်ထုတ်လုပ်နေမှုလုပ်ငန်းစဉ်များ၊ သန့်ရှင်းသပ်ရပ်မှုနှင့် သတ်မှတ်စံချိန်စံညွှန်များနှင့်အညီ ထုတ်လုပ်ခြင်းရှိ/မရှိ စစ်ဆေးခဲ့ပြီး စက်ရုံအတွင်းလုပ်ငန်းခွင် အန္တရာယ်ကင်းရှင်းရေး၊ မီးဘေးလုံခြုံ ရေးနှင့် စက်ပစ္စည်းများကြံ့ခိုင်မှု အခြေအနေများကို လှည့်လည်ကြည့်ရှုစစ်ဆေးခဲ့ပြီး ဥပဒေလမ်းညွှန် ချက်များအရ စားသုံးသူပြည်သူများထံ ဘေးအန္တရာယ်ကင်းရှင်းပြီး အရည်အသွေးပြည့်မှီသော စားအုန်းဆီများ စဉ်ဆက်မပြတ် ဖြန့်ဖြူးပေးနိုင်ရေး၊ စားသုံးသူကာကွယ်ရေးဥပဒေပါ ပြဌာန်းချက် များ၊ ညွှန်ကြားချက်များနှင့်အညီ စနစ်တကျ လိုက်နာဆောင်ရွက်ရေးအတွက် ပြည်နယ်ဦးစီးမှူးဦး ဉာဏ်လင်းနှင့် တာဝန်ရှိသူများက စက်ရုံတာဝန်ရှိသူများအား လမ်းညွှန်မှာကြားခဲ့သည်။
DOCA(ကရင်)