ကရင်ပြည်နယ်အတွင်း စားသုံးသူများ၏ နေ့စဉ်စားသုံးမှုအတွက် ကြက်ဥများကို တောင်ကြီး ဈေးကွက်မှ ဝယ်ယူတင်သွင်း၍ ဘားအံမြို့နှင့် ဒေသတွင်းဈေးးကွက်များသို့ ဖြန့်ဖြူးရောင်းချလျက်ရှိ ကြောင်းသိရသည်။ ဘားအံမြို့၊ အမှတ်(၉)ရပ်ကွက်၊ ကားကြီးဝင်းလမ်းရှိ ဦးသန်းထွန်းမင်း၏ ရွှေမင်း သားကြက်ဥအဝယ်ဒိုင်သို့ ကွင်းဆင်းစစ်ဆေးရာတွင် ကြက်ဥများကို တောင်းကြီးဈေးကွက်မှ ဝယ်ယူ တင်သွင်းပြီး တစ်ဆွဲလျှင် ၁၃၀,၀၀၀ ကျပ်ခန့်ကျသင့်ကာ ကားသယ်ယူစရိတ်အနေဖြင့် တစ်ဆွဲလျှင် ၈၀,၀၀ကျပ်ခန့် ကုန်ကျကြောင်း သိရသည်။
အဆိုပါကြက်ဥအဝယ်ဒိုင်တွင် တစ်နေ့လျှင် အဆွဲ၅၀ခန့် ဝင်ရောက်ပြီး တစ်တွဲလျှင် ကဒ် ၁၀ ကဒ်၊ တစ်ကဒ်လျှင် ကြက်ဥ ၃၀ လုံး ပါဝင်ကြောင်းသိရသည်။ လက်ရှိဈေးကွက်အတွင်း လက်ကားဈေးနှုန်းမှာ ကြက်ဥတစ်လုံးလျှင် ၅၀၀ ကျပ်ခန့်၊ လက်လီဈေးနှုန်းမှာ ၅၅၀ ကျပ်ခန့်ဖြင့် ရောင်းချလျက်ရှိပြီး တစ်လလျှင် အနည်းဆုံးပျမ်းမျှအမြတ် ငွေ ၃ သိန်းကျပ်ခန့် ရရှိကြောင်း သိရသည်။ ထို့အပြင် ရက်(၂၀) ကြက်ဥ တစ်ကီလိုဂရမ်လျှင် ၁၅၅,၀၀၀ကျပ်နှင့် ရက်(၁၉)ကြက်ဥ တစ်ကီလိုဂရမ် ၁၅၀,၀၀၀ကျပ်ခန့်ဖြင့် ရောင်းဝယ်လျက်ရှိပြီး ဖောက်သည်ဈေးနှုန်းမှာ ၁,၀၅၀,၀၀၀ ကျပ်ခန့်ရှိကြောင်း သိရသည်။
ကရင်ပြည်နယ်အတွင်း ကြက်ဥဝင်ရောက်မှု၊ သယ်ယူစရိတ်နှင့် ဈေးနှုန်းအခြေအနေများကို သက်ဆိုင်ရာတာဝန်ရှိသူများက ကွင်းဆင်းစစ်ဆေးလျက်ရှိပြီး စားသုံးသူများအနေဖြင့် သင့်တင့်မျှတ သောဈေးနှုန်းဖြင့် ဝယ်ယူစားသုံးနိုင်ရေးနှင့် ဈေးကွက်အတွင်း ကြက်ဥများ ပုံမှန်ဝင်ရောက်ဖြန့်ဖြူးနိုင် ရေးတို့အတွက် ဈေးကွက်အခြေအနေများကို ဆက်လက်စောင့်ကြည့်လျက်ရှိကြောင်း သိရသည်။
DOCA(ကရင်)