ချမ်းမြသာစည်မြို့နယ်နှင့်ပြည်ကြီးတံခွန်မြို့နယ်အထွေထွေအုပ်ချုပ်ရေးဦးစီးဌာန မိသားစုစည်းရုံးရေးနှင့်စည်းကမ်းထိန်းသိမ်းရေးကော်မတီမှအမျိုးသ္မီးဝန်ထမ်းများအား အသိပညာပေးဟောပြောဆွေးနွေး

             စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊စားသုံးသူရေးရာဦးစီးဌာနသည်စားသုံးသူပြည်သူများအားကုန်စည်နှင့်ဝန်ဆောင်မှုများဝယ်ယူသုံးစွဲရာတွင်နစ်နာဆုံးရှုံးမှုများမရှိစေရန်ရည်ရွယ်၍အသိပညာပေးဟောပြောဆွေးနွေးခြင်းများစဉ်ဆက်မပြတ်ဆောင်ရွက်လျက်ရှိပါသည်။

        စားသုံးသူရေးရာဦးစီးဌာန မန္တလေးတိုင်းဒေသကြီးဦးစီးမှူးရုံး၊စားသုံးသူရေးရာဌာနခွဲဦးတင်ချစ်ကောင်းမှ(၁၉.၈.၂၀၂၆)ရက်နေ့တွင် အထွေထွေအုပ်ချုပ်ရေးဦးစီးဌာန၊ချမ်းမြသာစည်မြို့နယ်အုပ်ချုပ်ရေးမှူးရုံး၊မိသားစုစည်းရုံးရေးနှင့်စည်းကမ်းထိန်းသိမ်းရေးကော်မတီမှအမျိုးသမီးဝန်ထမ်းများအားလည်းကောင်း၊ (၂၀.၈.၂၀၂၆)ရက်နေ့တွင် အထွေထွေအုပ်ချုပ်ရေးဦးစီးဌာန၊ မဟာအောင်မြေခရိုင် ပြည်ကြီးတံခွန်မြို့နယ် အုပ်ချုပ်ရေးရေးမှူးရုံး မိသားစုစည်းရုံးရေးနှင့် စည်းကမ်းထိန်းသိမ်းရေးကော်မတီမှ အမျိုးသမီးဝန်ထမ်း များအားလည်း ကောင်း၊ကလေးများအတွက် အစားအသောက်ဘေးကင်းရေးနှင့် စားသုံးသူကာကွယ်ရေး၏ အရေးပါမှုအခြေအနေများ၊စားသုံးသူအခွင့်ရေးနှင့်တာဝန်များ၊ စားသုံးသူနစ်နာဆုံးရှုံးမှုနှင့်စုံစမ်းသိရှိလိုသည်များရှိပါက(၁၅၃၅)သို့ဆက်သွယ်တိုင်ကြားစုံစမ်းနိုင်သည့်အခြေအနေများကိုအသိပညာပေးဟောပြောဆွေးနွေးခဲ့ကြောင်းသိရှိရပါသည်။ 

DOCA(မန္တလေး)