မကွေးတိုင်းဒေသကြီး သရက်ခရိုင်၊သရက်မြို့ စည်ပင်သာယာဈေးကြီးနှင့် အခွန်လွတ်ဈေးများ၊ မြို့ပေါ်ရပ်ကွက်ရှိ ပန်းဆိုင်များတွင်ဈေးကွက်ဝင် ပန်းတိမ်မနိုင်(ခေါ်) ပန်းတိမ်ငိုပန်းလေးများအား ကံသာစုရွာ၊ မြင်ဘာခြံကျေးရွာနှင့် မီးသွေးဖုတ်ကျေးရွာများမှ တစ်နိုင်တစ်ပိုင်စိုက်ပျိုးကြပြီး အရောင်းအဝယ်ဖြစ်လျက်ရှိပါသည်။ ပန်းတိမ်မနိုင်ပန်းလေးများကို ဘုရားပန်းပဲလှူလှူ၊ အလှူ မင်္ဂလာအတွက်ဖြစ်ဖြစ် အသုံးပြုကြပါသည်။
ဒေသထွက် ပန်းတိမ်မနိုင်ပန်းများကို မိမိတို့၏ အိမ်ခြံမြေများတွင်လည်းကောင်း၊ အခြားပန်း များနှင့်ရော၍လည်းကောင်း စိုက်ပျိုးကြပြီး ကုန်ကျစရိတ်သက်သာ၍ စိုက်ပျိုး အောင်မြင်ဖြစ်ထွန်း လွယ်ကြောင်း၊ ၂၀၂၆ခုနှစ်၊ စက်တင်ဘာလ (ပထမပတ်)တွင် ပန်းတိမ်မနိုင်ပန်း (၁၀)ပင်ပါ တစ်စီးလျှင်ကျပ် (၂၅၀၀) ဖြင့် အရောင်းအဝယ်ဖြစ်ခဲ့ပြီး ယခု (ဒုတိယပတ်)တွင် (၁၀) ပင်ပါ ပန်းတိမ်မနိုင် တစ်စီးလျှင် ကျပ် (၂၀၀၀) ဖြင့် အရောင်းသွက်လျက်ရှိ ကြောင်းသိရသည်။ ဈေးနှုန်းနှိုင်းယှဉ် ချက်အရ ယခု(ဒုတိယပတ်)တွင် လှိုင်လှိုင်ပေါ်သည့်အတွက် ကျပ် (၅၀၀) ဈေးနှုန်းကျဆင်းခဲ့ပြီး ဈေး ကွက်တွင်အရောင်းသွက်လျက်ရှိ၍ ပုံမှန်ထက်ပိုရောင်းရကြောင်း ပန်းအမျိုးမျိုးနှင့် ပန်းတိမ်မနိုင်ပန်း ရောင်းချသူ ဈေးသည် တစ်ဦးထံမှ သိရှိရပါသည်။
DOCA(မကွေး)