တနင်္သာရီတိုင်းဒေသကြီး၊ မြိတ်မြို့ရှိ ဆိပ်ငယ်စည်ပင်သာယာဈေးကြီးနှင့်အခြားသော ဈေးတို့ တွင်လည်း ဝက်အူချောင်းများ ရောင်းချလျက်ရှိပါသည်။ ဝက်အူချောင်းများကို မိမိကိုယ်တိုင် သော်လည်းကောင်း၊ အခြားမြို့များမှယူ၍လည်းကောင်း ရောင်းချလျက်ရှိကြောင်း သိရှိရပါသည်။ မြိတ်မြို့တွင် ပုလောဝက်အူချောင်းများ ပိုမိုအရောင်းသွက်ကြောင်းလည်း သိရှိရပါသည်။ မြိတ်မြို့ရှိ ကိုယ်တိုင် ထုတ်လုပ်သော ဝက်အူချောင်းထက် ပုလောမှသယ်ယူရောင်းချသော ဝက်အူချောင်းများက မြိတ်မြို့ပေါ်တွင် ပိုမိုအရောင်းသွက်ကြောင်းလည်း သိရှိရပါသည်။ ဝက်အူချောင်းသည် လျင်မြန်စွာ ချက်ပြုတ် စားသောက်နိုင်သည့်အတွက် အချိန်ကုန်သက်သာစေသော အစားအစာတစ်မျိုးလည်း ဖြစ်သည့်အပြင် ဝက်အူချောင်းများကို စားသောက်ဆိုင်များနှင့် ထမင်းဆိုင် များမှလည်းကောင်း၊ အိမ် ရှင်မများ ဟင်းချက်ရာတွင်လည်းကောင်း အသုံးပြုကြပါသည်။
၂၀၂၆ခုနှစ်၊ မြိတ်မြို့တွင် စက်တင်ဘာလ ဒုတိယပတ်အတွင်း ရောင်းချလျက်ရှိသော ပုလော ဝက်အူချောင်းဈေးနှုန်းမှာ ဝက်အူချောင်း(၁) ပိဿာလျှင်(၄၅၅၀၀) ကျပ်၊ (၅၀)ကျပ်သား လျှင် (၂၃၅၀၀)ကျပ်၊ (၂၅) ကျပ်သားလျှင် (၁၂၅၀၀)ကျပ်ဖြင့် အရောင်းအဝယ် ဖြစ်လျက်ရှိ ကြောင်း၊ လူကြီး လူငယ်မရွေး ကြိုက်နှစ်သက်သောကြောင့် ရောင်းအားကောင်းကြောင်း ဝက်အူချောင်းရောင်းချသူ များထံမှ သတင်းရရှိပါသည်။
DOCA(တနင်္သာရီ)