မကွေးတိုင်းဒေသကြီး ၊ ချောက်ခရိုင်၊ ချောက်မြို့နယ်၌ လူဦးရေ(၂၁၇၇၆၈)ဦး နေထိုင်လျက်ရှိပြီး အဓိကသီးနှံအဖြစ် ( ပဲတီစိမ်း၊ ပဲစဉ်းငုံ၊ မြေပဲ)တို့အား စိုက်ပျိုးကြပြီး ၂၀၂၂-၂၀၂၃ ဘဏ္ဍာနှစ်တွင် မိုးစပါး (၃၈၈)ဧကအား ပခန်းငယ်မြစ်ရေတင်နှင့် ဥမင်ကိုးပေါက်မြစ်ရေတင်မှ လွှဲပို့သောရေလွှဲွှဲာင်းမှရသော ရေဖြင့် စိုက်ပျိုးကြောင်း သိရှိရပါသည်။
၁၃.၁၂.၂၀၂၂ ရက်နေ့တွင် ဓါတ်မြေအုပ်စု ကွင်းအမှတ်( ၂၂၆) တောင်သူ ဦးဝင်းစိုးပိုင်စိုက်ပျိုးထားသော စပါးမျိုး ဧရာမင်း(၅)ဧက စိုက်ကွင်းအား အထွေထွေအုပ်ချုပ်ရေးဦးစီးဌာန၊ စိုက်ပျိုးရေးဦးစီး ဌာန၊ မြေစာရင်းဦးစီးဌာန၊ စီမံကိန်းရေးဆွဲရေးဦးစီးဌာနစသည့် မြို့နယ်လယ်ယာ စီမံခန့်ခွဲရေးကော်မတီများဖြင့် စံကွက်ရိတ်သိမ်းခဲ့ရာ (၁)ဧကလျှင် ဧရာမင်းစပါး(၁၀၁)တင်းနှုန်းထွက်ရှိကြောင်း၊ ချောက်မြို့နယ် မိုးစပါး (၃၈၈) ဧက စိုက်ပျိုးထားရှိမှုအပေါ် ယနေ့အထိ ဧက(၂၀၀)ရိတ်သိမ်းပြီးကြောင်းနှင့် (၁)ဧက ပျမ်းမျှ အထွက်နှုန်း (၈၀.၂၅)တင်းထွက်ရှိကြောင်း မြို့နယ်စိုက်ပျိုးရေးဦးစီးဌာန၏ စာရင်းများအရ လေ့လာသိရှိရပါသည်။ မကွေးတိုင်းဒေသကြီး၊ ချောက်မြို့နယ်သည် ဆန်လိုဒေသဖြစ်၍ ဧရာဝတီတိုင်း၊ ရန်ကုန်တိုင်းနှင့် စစ်ကိုင်းတိုင်းမှ တင်ပို့သောဆန်များကို အားထားစားသုံးနေရကြောင်း လေ့လာသိရှိရပါသည်။
DOCA(မကွေး)