စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်ဦးစီးမှူးရုံးမှ ဒု-ခရိုင်ဦးစီးမှူး ဦးမျိုးဝင်း (မကွေးမြို့နယ် တာဝန်ခံ)နှင့် ဦးလင်းကိုကိုဖြိုး (ရုံးအကူ)တို့သည် စည်ပင်သာယာရေးအဖွဲ့နှင့် ပူးပေါင်းပြီး (၁၉.၁၂.၂၀၂၂) ရက်နေ့ နံနက်(၁၀:၀၀)နာရီအချိန်တွင် မကွေးမြို့ပေါ်၌ ဓာတ်မြေဩဇာနှင့် ပိုးသတ်ဆေးအရောင်းဆိုင်များအား ကွင်းဆင်း၍ ဓာတ်မြေဩဇာနှင့် ပိုးသတ်ဆေးများတွင် ကုန်အညွှန်းအမှတ်အသားများ ပြည့်စုံမှန်ကန်စွာ ပါဝင်မှုရှိ/မရှိ၊ လုပ်ငန်းလိုင်စင်ရှိ/မရှိ၊ သက်တမ်းလွန် ကုန်ပစ္စည်းများ ရောင်းချမှုရှိ/မရှိနှင့် ဆင်တူရိုးမှား အတုအပကုန်စည်များ ရောင်းချမှုရှိ/မရှိတို့အား ကွင်းဆင်းစစ်ဆေးခဲ့ပါသည်။
ဓာတ်မြေဩဇာနှင့် ပိုးသတ်ဆေးအရောင်းဆိုင်ရှင်များအား မိမိတို့ရောင်းချနေသော ကုန်စည်များ တွင် စားသုံးသူကာကွယ်ရေးဥပဒေ(၂၀၁၉)အရ ကုန်အညွှန်းအမှတ်အသား ပြည့်စုံစွာဖော်ပြထားသော ကုန်စည်များသာ ဆိုင်တင်ရောင်းချရန်နှင့် စားသုံးသူရေးရာကာကွယ်ရေးဥပဒေအခန်း(၁၀)ပါ စီးပွားရေးလုပ်ငန်းရှင်၏ တာဝန်များ၊ တားမြစ်ချက်များ ပြစ်မှုပြစ်ဒဏ်များအကြောင်းတို့ကို အသေးစိတ်ရှင်းလင်း ဆွေးနွေးခဲ့ပြီး စားသုံးသူအသိပညာပေး လက်ကမ်းစာစောင်များဖြန့်ဝေပေးခဲ့ကြောင်း သိရှိရပါသည်။
DOCA(မကွေး)