မွန်ပြည်နယ်၊ ကျိုက်ထိုမြို့နယ်အတွင်း ရာဘာစိုက်ပျိုးထုတ်လုပ်သည့် တောင်သူများ အနေဖြင့် ရာဘာခြံများကို ပုံမှန်ပြုပြင်ထိန်းသိမ်းခြင်းနှင့် ရာဘာအစေးခြစ် ထုတ်လုပ်ခြင်းလုပ်ငန်းများကို ဆက်လက်လုပ်ကိုင်လျက်ရှိပြီး ရာဘာဈေးကွက်အခြေအနေ အပေါ် စောင့်ကြည့်နေကြကြောင်း သိရသည်။
ရာဘာသည် ကျိုက်ထိုမြို့နယ်အတွင်း နှစ်ရှည်စိုက်ပျိုးသီးနှံတစ်မျိုးဖြစ်ပြီး တောင်သူ များအတွက် နှစ်စဉ်ဝင်ငွေရရှိစေသည့် စိုက်ပျိုးရေးလုပ်ငန်းတစ်ရပ်ဖြစ်သည်။ ရာဘာအစေး ခြစ်ရာသီအတွင်း မိုးရွာသွန်းမှု၊ ရာသီဥတုအခြေအနေ၊ လုပ်သားရရှိနိုင်မှုနှင့် ရာဘာဈေးနှုန်း တို့သည် ထုတ်လုပ်မှုနှင့် တောင်သူများ၏ ဝင်ငွေအပေါ် အဓိကသက်ရောက်မှုရှိသည်။ မြန်မာ့ ရာဘာဈေးကွက်သည် ပြည်ပဈေးကွက်နှင့် ဆက်စပ်နေသဖြင့် ကမ္ဘာ့ရာဘာဈေးနှုန်း အပြောင်းအလဲများသည် ပြည်တွင်းဈေးနှုန်းအပေါ် သက်ရောက်မှုရှိကြောင်း ယခင်နှစ်များ အတွင်း ရာဘာလုပ်ငန်းရှင်များက ပြောကြားထားသည်။ ထို့အပြင် ရာဘာအရည်အသွေး ကောင်းမွန်မှုသည် ဈေးကောင်းရရှိရေးအတွက် အရေးပါသည့်အချက်တစ်ရပ်ဖြစ်သည်။ ရာဘာထုတ်လုပ်ရာတွင် ဓာတ်မြေဩဇာ၊ ခြံရှင်းလင်းခ၊ အလုပ်သမားခနှင့် ထုတ်လုပ်ရေး ဆိုင်ရာပစ္စည်းများ ကုန်ကျစရိတ်များရှိသဖြင့် ရာဘာဈေးနှုန်းကောင်းမွန်မှသာ တောင်သူများ အတွက် ထုတ်လုပ်မှုကုန်ကျစရိတ်နှင့် နှိုင်းယှဉ်၍ အကျိုးအမြတ်ရရှိနိုင်မည်ဖြစ်သည်။ အလား တူ စီးပွားရေးနှင့်ကုန်သွယ်ရေးအခြေအနေများအရ ရာဘာ၏ ပြည်တွင်းဝယ်လိုအား၊ ပြည်ပ တင်ပို့မှုနှင့် ကမ္ဘာ့ဈေးကွက်အခြေအနေများကိုလည်း ရာဘာစိုက်ပျိုးထုတ်လုပ်သူများ အနေဖြင့် ဆက်လက်စောင့်ကြည့်ရန် လိုအပ်လျက်ရှိသည်။
ယခုအပတ် မွန်ပြည်နယ်ရာဘာဈေးနှုန်းမှာ ရာဘာစေးတစ်ပေါင်လျှင် (၃၈၀၀) ကျပ် ဈေးနှုန်းရရှိကြောင်း သိရှိရပါသည်။
DOCA (မွန်)