ငါန်းဇွန်မြို့နယ် မြို့နယ်စီမံအုပ်ချုပ်ရေးအဖွဲ့၏ ဦးဆောင်မှုဖြင့် မြို့နယ်စားအုန်းဆီဖြန့်ဖြူး ရောင်းချမှုကြီးကြပ်ရေးအဖွဲ့သည် စားအုန်းဆီတင်သွင်းသိုလှောင်ဖြန့်ချိရေး ကြီးကြပ်မှုကော်မတီ၏ အစီအစဉ်ဖြင့် ငါန်းဇွန်မြို့နယ်ရှိ အများပြည်သူသို့ သက်သာသောသတ်မှတ်ရည်ညွှန်းဈေးဖြင့် ရောင်းချလျက်ရှိသောလက်လီ၊ လက်ကားအရောင်းဆိုင်များသို့ ကွင်းဆင်းကြီးကြပ်စစ်ဆေးမှုများကို ၁.၁၀၂၀၂၆ ရက်နေ့၊ နံနက် ၀၈:၃၀နာရီအချိန်တွင်ဆောင်ရွက်ခဲ့ကြောင်း သိရသည်။
စားအုန်းဆီများကို စားအုန်းဆီလက်လီအရောင်းဆိုင်များမှ ရောင်းချရာတွင် ဈေးနှုန်းများ မှန်ကန်မှုရှိစေရေး၊ အလေးချိန်ပြည့်ဝစေရေး၊ အချိန်အတွယ်မှန်ကန်မှုရှိစေရေး၊ နိုင်ငံတော်မှ သတ်မှတ် ထုတ်ပြန်ထားသော သတ်မှတ်ချက်များအတိုင်းရောင်းချမှုရှိစေရေး၊ စားအုန်းဆီများဖြန့်ဖြူး ရောင်းချ ရာတွင် အများပြည်သူမြင်သာစေရန် ရောင်းချသည့်နေ့ရက်နှင့် ဈေးနှုန်းများကို ဗီနိုင်းတွင်ရေးသား၍ ချိတ်ဆွဲရောင်းချစေရေး၊ ခွဲတမ်းရရှိထားသောပမာဏများအလိုက် ပြည့်ဝစွာရောင်းချစေနိုင်ရေး၊ ဖြန့်ဝေထုတ်ထားပေးသော ဆီများကိုသာရောင်းချမှုရှိစေရေးနှင့် အဆိုပါစားအုန်းဆီများအား စားသုံး သူပြည်သူများထံသို့ အပြည့်အဝရောက်ရှိစေရေး၊ ဈေးကစားရန်ရည်ရွယ်ချက်ဖြင့် သိုလှောင်ထားမှု မရှိစေရေး၊ စားသုံးသူလက်ဝယ်သို့ အမှန်တကယ်တိုက်ရိုက်ရောက်ရှိစေရေးတို့အတွက် စဉ်ဆက်မပြတ် ကြီးကြပ်စစ်ဆေးမှုများဆောင်ရွက်လျက်ရှိကြောင်း သိရသည်။
DOCA(မန္တလေး)