ပဲခူးတိုင်းဒေသကြီး ၊ စားသုံးသူရေးရာကော်မတီအစည်းအဝေး (၉/၂၀၂၂)ကို စားသုံးသူရေးရာဦးစီးဌာန ၊ ပဲခူးတိုင်းဒေသကြီးဦးစီးမှူးရုံး ၊ အစည်းအဝေးခန်းမ၌ ၂၇.၁၂.၂၀၂၂ ရက်နေ့ ၊ နေ့လယ်( ၁၃ : ၀၀) နာရီအချိန်တွင် ကျင်းပပြုလုပ်ခဲ့ပြီး တိုင်းဒေသကြီး ၊ စားသုံးသူရေးရာကော်မတီ ၊ ဒုတိယဥက္ကနှင့် အဖွဲ့ဝင် (၄) ဦး ၊ ပဲခူးတိုင်းဒေသကြီးဦးစီးမှူးရုံးမှ ဝန်ထမ်း (၅) ဦးတက်ရောက်ခဲ့ကြပါသည်။
အဆိုပါ အစည်းအဝေးတွင် ပဲခူးတိုင်းဒေသကြီး ၊ စားသုံးသူရေးရာကော်မတီဥက္ကဌ ကိုယ်စား ဒုတိယဥက္ကဌမှ ဌာနဆိုင်ရာများနှင့် ပူးပေါင်းဆောင်ရွက်မှုများ အားကောင်းစေရေးအတွက် စားသုံးသူရေးရာကော်မတီ အစည်းအဝေးကို တစ်လတစ်ကြိမ်ဖြစ်မြောက်အောင် ကျင်းပပြုလုပ်ပေးသည့် သက်ဆိုင်ရာ စားသုံးသူရေးရာဦးစီးဌာနအား ကျေးဇူးတင်ရှိပါကြောင်း ၊ ပွင့်လင်းရာသီဖြစ်သည့်အတွက် အသိပညာပေးခြင်းအစီအစဉ်များနှင့် ဈေးကွက်စောင့်ကြည့်စစ်ဆေးခြင်း အစီအစဉ်များကို အရှိန်အဟုန်မပြတ်ဆောင်ရွက်ရန် လိုအပ်ကြောင်း အဖွင့်အမှာစကား ပြောကြားခဲ့ပြီး စားသုံးသူ ရေးရာ ဌာနခွဲ တာဝန်ခံမှ စားသုံးသူရေးရာ ကော်မတီမှ မှတ်တမ်းတင် အတည်ပြုနိုင်ရန်အတွက် အမှာစာများ ရှင်းလင်းဆွေးနွေးခဲ့ကြောင်း သိရှိရပါသည်။ စားသုံးသူရေးရာဌာနခွဲတာဝန်ခံ၏ ရှင်းလင်းဆွေးနွေးချက်အပေါ် သက်ဆိုင်ရာကော်မတီအဖွဲ့ဝင်များမှ ပြန်လည်ဆွေးနွေးခဲ့ပြီး အစည်းအဝေးကို (၁၄ : ၃၀) အချိန်တွင် ရုပ်သိမ်းခဲ့ကြောင်း သိရှိရပါသည်။
DOCA(ပဲခူး)