စားသုံးသူရေးရာဦးစီးဌာန ၊ ရန်ကုန်တိုင်းဒေသကြီးဦးစီးမှူးရုံးမှ တာဝန်ရှိသူများသည် စားသုံးသူများအနေဖြင့် ကုန်စည်များကို အသုံးပြုရာတွင် ဘေးအန္တရာယ်ကင်းရှင်းစွာ အသုံးပြုခွင့်ရ ရှိစေရန်၊ ကုန်စည်များနှင့်ပတ်သက်ပြီး လိုအပ်သော သတင်းအချက်အလက်များ အပြည့် အဝရရှိစေရန်နှင့် စီးပွားရေးလုပ် ငန်းရှင်များ အနေဖြင့်လည်း လိုက်နာရမည့် တာဝန်များကို ပိုမိုသိရှိ နားလည်းစေရန်အတွက် ရည်ရွယ်၍ ၂၇-၁၂-၂၀၂၂ ရက်နေ့၊ နံနက် (၉:၀၀) နာရီတွင် ရန်ကုန်တိုင်းဒေသကြီးဦးစီးမှူးရုံး၊ အစည်းအ ဝေးခန်းမ၌ ပြည့်စုံမှန်ကန်သောကုန်အညွှန်းအမှတ်အသားများမှတစ်ဆင့် ကောင်းမွန်သန့် ရှင်းသော ပတ်ဝန်းကျင်ဆီသို့ ခေါင်းစဉ်ဖြင့်အလုပ်ရုံဆွေးနွေးပွဲ ကျင်းပပြုလုပ်ခဲ့ပါသည်။
အဆိုပါ အလုပ်ရုံဆွေးနွေးပွဲသို့ စားသုံးသူရေးရာဦးစီးဌာန၊ ရန်ကုန်တိုင်းဒေသကြီး ဦးစီးမှူး၊ ရန်ကုန်တိုင်းဒေသကြီးစားသုံးသူရေးကော်မတီ၊ အတွင်းရေးမှူး၊ ဆက်စပ် ဝန်ကြီးဌာန၊ အဖွဲ့အစည်းများမှ ဖိတ်ကြား ထားသူများ၊ အသင်းအဖွဲ့များမှ တာဝန်ရှိသူ များ၊ စီးပွားရေးလုပ်ငန်းရှင်များနှင့် တာဝန်ရှိသူများ အပါအဝင် စုစုပေါင်း(၅၀)ကျော် တက်ရောက်ခဲ့ကြပါ သည်။
အလုပ်ရုံဆွေးနွေးပွဲတွင် စားသုံးသူရေးရာဦးစီးဌာန၊ ရန်ကုန်တိုင်းဒေသကြီး ဦးစီးမှူး၊ ရန်ကုန်တိုင်းဒေသကြီး စားသုံးသူရေးရာကော်မတီ၊ အတွင်းရေးမှူးက ဆက်စပ်ဝန်ကြီးဌာနများအနေဖြင့် ဆောင်ရွက်လျက် ရှိသည့် လုပ်ငန်းစဉ်များကိုလည်း တက် ရောက်လာကြသည့် ဧည့်သည်တော်များအနေဖြင့် သိရှိသွားမှာဖြစ်ပါကြောင်း၊ တက်ရောက် သူများမှလည်း မိမိတို့ သိရှိလိုသည့် အချက်အလက်များကို လွတ်လွတ်လပ်လပ် ဆွေးနွေး မေးမြန်းသွားနိုင်ပါကြောင်း၊ စားသုံးသူများအနေဖြင့် ကုန်စည်များ ဘေးအန္တရာယ် ကင်းရှင်း စွာ အသုံးပြုနိုင်ရေးနှင့် ပြည်စုံ မှန်ကန်သော ကုန်အညွှန်းအမှတ်အသားများ ရရှိနိုင်စေရေးတို့အတွက် အဖွဲ့ (၅) ဖွဲ့ ခွဲဝေ၍ စကားဝိုင်း ဆွေးနွေးခြင်း အစီအစဉ်ကိုထည့် သွင်းဆောင်ရွက်ထားပါကြောင်း၊ တက်ရောက်လာသူများအနေဖြင့် မိမိတို့ ပါဝင်သည့် အဖွဲ့တွင် လက်တွေ့နယ်ပယ်၌ ဆောင်ရွက်ရာတွင် တွေ့ကြုံနေရသည့် အခက်အခဲများနှင့် ချိတ်ဆက်၍ ဖော်ထုတ်တွေ့ရှိချက်များ ရရှိသည်အထိ ဝိုင်းဝန်း ဆွေးနွေးပေးစေလိုပါကြောင်း ပြောကြားခဲ့ပါသည်။
ဆက်လက်၍ ဆက်စပ်ဝန်ကြီးဌာနမှ တာဝန်ရှိသူများက ကုန်အညွှန်းအမှတ် အသားဖော်ပြချက်များနှင့်ပတ်သက်၍ ထုတ်ပြန်ထားရှိမှုအပါအဝင် ယင်းတို့ ဌာနများ အလိုက် လက်ရှိဆောင်ရွက်လျက်ရှိသည့် လုပ်ငန်းများအား ဆွေးနွေးပြောကြားခဲ့ပြီး သက်ဆိုင်ရာ အသင်းအဖွဲ့များကလည်း ယင်းတို့ အသင်းအဖွဲ့ များအနေဖြင့် လက်ရှိ ဆောင်ရွက်နေမှု အခြေအနေ များအပါအဝင် စားသုံးသူကာကွယ်ရေးဆိုင်ရာ အသိပညာ ပေးမှုများကိုလည်း ပိုမိုတိုးမြှင့် ဆောင်ရွက်သင့်ပါကြောင်း ဆွေးနွေးပြောကြားခဲ့ပါသည်။ ထို့နောက် တက်ရောက်လာသည့် စီးပွားရေးလုပ်ငန်းရှင်များက ကုန်အညွှန်း အမှတ်အသားဖော်ပြခြင်းနှင့်ပတ်သက်၍ ယင်းတို့ ထုတ်လုပ်ဖြန့်ဖြူး ရောင်းချလျက်ရှိသည့် ကုန်စည်အမျိုးအစားအလိုက် သိရှိလိုသည့် အချက်အလက်များ မေးမြန်းမှုများအပေါ် သက်ဆိုင်ရာဌာန၊ အဖွဲ့အစည်းများက အပြန်အလှန်ဆွေးနွေးမှုများ ဆောင်ရွက်ခဲ့ပါသည်။
ထို့အပြင် ကုန်အညွှန်းအမှတ်အသား ဖော်ပြချက်များနှင့်ပတ်သက်သည့် ခေါင်းစဉ် (၅)ခုကို စားသုံးသူရေးရာဦးစီးဌာနမှ ကိုယ်စားလှယ်၊ ဆက်စပ်ဝန်ကြီးဌာနမှ ကိုယ်စားလှယ်၊ အသင်းအဖွဲ့များမှ ကိုယ်စားလှယ်၊ စီးပွားရေး လုပ်ငန်းရှင်များ ပါဝင်သည့်အဖွဲ့ (၅) ဖွဲ့ဖြင့်ဖွဲ့၍ လက်တွေ့ ဆောင်ရွက်ရာတွင် တွေ့ကြုံနေရသည့် အခက်အခဲများ၊ ဆက်လက်ဆောင်ရွက်သည့် လုပ်ငန်းစဉ်များ နှင့်ပတ်သက်၍ ဖော်ထုတ်တွေ့ရှိချက်များကို ပြန်လည်ဆွေးနွေးတင်ပြခဲ့ပါသည်။ အဆိုပါဆွေးနွေးတင်ပြချက်များကို ရန်ကုန်တိုင်း ဒေသကြီးဦးစီးမှူး၊ ရန်ကုန်တိုင်းဒေသကြီးစားသုံးသူရေးရာကော်မတီ၊ အတွင်းရေးမှူးက ပြန်လည်ရှင်းလင်းဆွေးနွေးခဲ့ပြီး နိဂုံးချုပ်စကားပြောကြား၍ ညနေ (၃:၃၀)တွင် ပြည့်စုံ မှန်ကန်သော ကုန်အညွှန်းအမှတ်အသားများမှတစ်ဆင့် ကောင်းမွန် သန့်ရှင်းသော ပတ်ဝန်းကျင်ဆီသို့ အလုပ်ရုံ ဆွေးနွေးပွဲ အခမ်းအနားအား အောင်မြင်စွာ ကျင်းပပြီးစီး ခဲ့ကြောင်း သိရှိရပါသည်။
DOCA (YGN)