စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့ရှိ စိုက်ပျိုးရေးသုံးဓါတ်မြေဩဇာအရောင်းဆိုင်များတွင် ဈေးနှုန်းသက်သာသော အရည်အသွေးနိမ့်မြေဩဇာများအား ထိုင်းနိုင်ငံ ပြည်တွင်းသုံး မြင်းပျံအိတ်ခွံ များဖြင့်ပြန်လည်ထုတ်ပိုးပြီး အိုင်စီပီ မြင်းပျံမြေဩဇာအတုများ ပြုလုပ်ရောင်းချမှုရှိ/မရှိ အဖွဲ့စုံဖြင့် ဈေးကွက်စောင့်ကြည့်စစ်ဆေးခြင်းကို (၂.၁.၂၀၂၃)ရက်နေ့ နံနက်(၁၀:၀၀)နာရီအချိန်တွင် ရွှေဘိုခရိုင် စိုက်ပျိုးရေးဦးစီးဌာနနှင့် စားသုံးသူရေးရာဦးစီးဌာနတို့မှ တာဝန်ရှိသူများပူးပေါင်း၍ အဖွဲ့ဝင်(၁၂)ဦးဖြင့် ဆောင်ရွက်ခဲ့ပါသည်။
ရွှေဘိုမြို့ပေါ်ရှိ စိုက်ပျိုးရေးသုံးဓါတ်မြေဩဇာအရောင်းဆိုင်(၅)ဆိုင်တွင် ရောင်းချသည့် ဓါတ်မြေဩဇာများ၏ အမှတ်တံဆိပ်အမျိုးအစားများကိုစစ်ဆေးရာ အဆိုပါမြင်းပျံတံဆိပ် ဓါတ်မြေဩဇာ များရောင်းချမှုမရှိဘဲ အခြားအမျိုးအစားများကိုသာစစ်ဆေးတွေ့ရှိရသဖြင့် အရည်အသွေးနိမ့် မြေဩဇာများကို ထိုင်းနိုင်ငံ ပြည်တွင်းသုံးမြင်းပျံအိတ်ခွံများဖြင့် ပြန်လည်ထုတ်ပိုးရောင်းချသည့် မြေဩဇာများကို ရောင်းချခြင်းမပြုကြရန်၊ သုံးစွဲသူတောင်သူများ နစ်နာဆုံးရှုံးမှုမရှိစေရေး အရည်အသွေးကောင်းမွန်သော သက်ဆိုင်သည့်ဌာန၏ ထောက်ခံချက်ဖြင့် တရားဝင်တင်သွင်းဖြန့်ဖြူးသည့် မြေဩဇာများကိုသာ ရောင်းချကြရန်နှင့်စားသုံးသူကာကွယ်ရေးဥပဒေပါ အကြောင်းအရာများ၊ ဓါတ်မြေဩဇာဥပဒေပါ အကြောင်းများ၊ စိုက်ပျိုးရေးဦးစီးဌာနမှ ထုတ်ပြန်ထားသည့် အမိန့်၊ ညွှန်ကြားချက်များကို အသိပညာပေးဆွေးနွေးခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။
DOCA(စစ်ကိုင်း)