မွန်ပြည်နယ်အစိုးရအဖွဲ့၏ ဦးဆောင်ကြီးကြပ်မှုဖြင့် (၇၅) နှစ်မြောက် စိန်ရတုလွတ်လပ်ရေးနေ့အထိမ်းအမှတ်ပြခန်းများကို မွန်ပြည်နယ်၊ မော်လမြိုင်မြို့၊ ကမ်းနားလမ်း၌ ခင်းကျင်းပြသလျက်ရှိရာ ပြပွဲဖွင့်ပွဲအခမ်းအနားကို ၂.၁.၂၀၂၃ ရက်နေ့က ကျင်းပပြုလုပ်ခဲ့ပါသည်။ အဆိုပါ အခမ်းအနားသို့ ပြည်နယ်အစိုးရအဖွဲ့ဝင် ဝန်ကြီးများ၊ ဌာနဆိုင်ရာတာဝန်ရှိပုဂ္ဂိုလ်များ၊ ဖိတ်ကြားထားသည့် ဧည့်သည်တော်များ၊ MSME လုပ်ငန်းရှင်များ၊ သတင်းမီဒီယာများ တက်ရောက်ခဲ့ကြောင်း သိရှိရပါသည်။
အဆိုပါ ပြခန်းများတွင် မွန်ပြည်နယ်မှ ထွက်ရှိသော MSME ထုတ်ကုန်များဖြစ်သည့် ရိုးရာအဝတ်အထည်များ၊ စားသောက်ကုန်များ၊ လူသုံးကုန်များ၊ စိုက်ပျိုးရေးလုပ်ငန်းသုံး သဘာဝ ဇီဝမြေဩဇာများ စသည်တို့ကို ခင်းကျင်းပြသလျက်ရှိသော MSME ထုတ်ကုန်ပြခန်းများ၊ ဌာနဆိုင်ရာပြခန်းများ၊ စုစုပေါင်း (၂၈)ခန်းပြသခဲ့ကြပြီး ပြခန်းများသို့ လာရောက်ကြည့်ရှု အားပေးသူများဖြင့် စည်းကားလျက်ရှိကြောင်း သိရှိရပါသည်။
DOCA(မွန်)