စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ စားသုံး/ထုတ်လုံဌာနခွဲတာဝန်ခံ ဦးစီးမှူး ဦးမင်းဇော်သည် ဇန်နဝါရီလ ၁၁ ရက်နေ့ နံနက်ပိုင်းက ခရိုင်ဦးစီးမှူးရုံး အစည်းအဝေး ခန်းမ၌ ကုန်သွယ်ရေးငွေစုငွေချေးသမဝါယမအသင်းမှ အမှုဆောင်များအား စားသုံးသူကာကွယ်ရေး ဆိုင်ရာ သိကောင်းစရာများကို ဆွေးနွေးဟောပြောခဲ့ရာ မြို့နယ်သမဝါယမဦးစီးဌာနမှ ဦးစီးမှူး ဒေါ်ဂျုံစီဒေးဗစ်နှင့် အသင်းအလုပ်အမှုဆောင် ၁၅ ဦး တက်ရောက်ခဲ့ပါသည်။
ထို့အတူ ယင်းနေ့ မွန်းလွဲပိုင်းတွင် ခရိင်ဦးစီးမှူးရုံးမှ သတင်း/နည်း ဌာနခွဲတာဝန်ခံ ဦးစောသန်းထိုက်ကျော်နှင့် မြို့နယ်တာဝန်ခံ ဦးမြင့်သူတို့သည် တောင်ငူမြို့ အမှတ်(၂၁)ရပ်ကွက်ရှိ ဇေယျာခင်ဦး အခြေခံပညာမူလတန်းလွန်ကျောင်းတွင် ကျောင်းသူကျောင်းသားများအား စားသုံးသူ ကာကွယ်ရေးဆိုင်ရာများကို အသိပညာပေး ဟောပြောခဲ့ရာ ကျောင်းသားကျောင်းသူ ၉၈ ဦး တက်ရောက်ခဲ့ပါသည်။
ဟောပြောပွဲများတွင် စားသုံးသူကာကွယ်ရေးဦးစီးဌာနပေါ်ပေါက်လာပုံ၊ စားသုံးသူ ကာကွယ်ရေးဥပဒေပါ စားသုံးသူ၏ အခွင့်အရေးနှင့်တာဝန်များ၊ ကုန်စည်များဝယ်ယူသုံးစွဲရာတွင် ကုန်အညွှန်းအမှတ်အသားများ ဦးစားပေးဖတ်ရှုသင့်ပုံများ၊ စားသုံးသူနစ်နာဆုံးရှုံးမှုများကို တိုင်ကြားနိုင်ခြင်းများ၊ စားသုံးသူကာကွယ်ရေးအတွက်ဦးစီးဌာန၏ ဆောင်ရွက်ချက်များကို ရှင်းလင်းဟောပြောခဲ့ကြောင်း သိရှိရပါသည်။
DOCA(ပဲခူး)