စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ညောင်ဦးခရိုင် ဦးစီးမှူးသည် ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် ပူးပေါင်း၍ (၁၂.၁.၂၀၂၃)ရက် နေ့ နေ့လယ် (၁၃:၀၀)နာရီအချိန်တွင် ညောင်ဦးမြို့အမှတ်(၁)ရပ်ကွက်၊ ရွှေကုန်းရပ်ရှိ ဓမ္မာရုံ၌ ရပ်ကွက်တွင်းရှိ စီးပွားရေးလုပ်ငန်းရှင်များအား အသိပညာပေးဟောပြောဆွေးနွေးမှုများ ပြုလုပ်ခဲ့ပါသည်။
အဆိုပါဟောပြောပွဲတွင် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ညောင်ဦးခရိုင် ဦးစီးမှူး ဒေါ်စန်းယုမော်မှ စာဖတ်ရှိန်မြှင့်တင်ရေးနှင့် စာကြည်တိုက်များတွင် စာပေဗဟုသုတများ လာရောက်ဆည်းပူးစေရေးတို့နှင့်ပတ်သက်၍ အသိပညာပေးဟောပြောဆွေးနွေးခဲ့ပြီး၊ စားသုံးသူရေးရာဦးစီးဌာန၊ ညောင်ဦးခရိုင်ဦးစီးမှူး ဦးသန်းစိုးမှ ကုန်စည်များတွင် ကုန်အညွှန်းအမှတ်အသားများ ပါရှိစေရန်နှင့် လိုက်နာဆောင်ရွက်စေရေး၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ မဖြစ်မနေ သိရှိလိုက်နာရမည့်အချက်များအား အကျယ်တဝင့် ရှင်းလင်းဟောပြောဆွေးနွေးခဲ့ပါသည်။ ဟောပြောဆွေးနွေးမှုအပြီးတွင် ရွှေကုန်းရပ်ရှိ စတိုးဆိုင်များ၊ အိမ်ဆိုင်များနှင့် ကုန်စုံဆိုင်တို့အား စားသုံးသူများနစ်နာဆုံးရှုံးမှု မရှိစေရေး၊ ဘေးန္တရာယ်မဖြစ်စေရေးတို့အတွက် ကုန်စည်များတွင် ကုန်အညွှန်းအမှတ်အသားများ ပြည့်စုံစွာပါရှိစေရေးတို့အတွက် ဈေးကွက်စောင့် ကြည့်စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။
DOCA(မန္တလေး)