မန္တလေးတိုင်းဒေသကြီး၊ပြင်ဦးလွင်ခရိုင်၊ စားသုံးသူရေးရာဦးစီးဌာနမှ ဇန်နဝါရီလ (၁၇)ရက် နေ့တွင် ပြင်ဦးလွင်မြို့နယ်၊ကြီးကိုင်ကျေးရွာ၌ ခရိုင်အသေးစားစက်မှုလက်မှု လုပ်ငန်းဦးစီးဌာနမှ ဖွင့်လှစ်သည့် အိမ်တွင်း လျှပ်စစ် သွယ်တန်းမှုနည်းပညာပေးသင်တန်း တွင်စားသုံးသူကာကွယ်ရေး ဆိုင်ရာအသိပညာပေးဆွေးနွေးခဲ့ပါသည်။ပြင်ဦးလွင်ခရိုင်၊စားသုံးသူရေးရာဦးစီးဌာနခရိုင်ဦးစီးမှူး ဦးသက်လွင်ထူးက ၂၀၁၉ခုနှစ်၊မတ်လ ကစတင်ပြဌာန်းလိုက်သော စားသုံးသူကာကွယ်ရေးဥပဒေအရ ကုန်စည်နှင့်ဝန်ဆောင်မှုများကိုရယူ သုံးစွဲသောပြည်သူများ၏ စားသုံးသူအခွင့်အရေးများ၊ သိရှိလိုက်နာ ရမည့်အချက်များ၊ စီးပွားရေးလုပ်ငန်းရှင်များ၏လိုက်နာရမည့်တာဝန်များ၊ အခန်း(၁၈)ပါ ကုန်အညွှန်းအမှတ်အသားဆိုင်ရာပြဌာန်းချက်များနှင့် မြန်မာနိုင်ငံစားသုံးသူကာကွယ်ရေး ကော်မရှင် မှထုတ်ပြန်သော ညွှန်ကြားချက်များကို အသေးစိတ်ရှင်းလင်းပြောကြားခဲ့ပြီး တက်ရောက်လာသူ များမှ မိမိတို့သိလိုသည့်အချက်များကို ပြန်လည်ဆွေးနွေးခဲ့ကြောင်းနှင့်အဆိုပါသင်တန်းသို့ သင်တန်းသား(၃၀)ဦးတက်ရောက်ကြောင်းသိရှိ ရပါသည်။
DOCA(မန္တလေး)