သိပ္ပံနှင့်နည်းပညာဝန်ကြီးဌာန၊ အဆင့်မြင့်သိပ္ပံနှင့် နည်းပညာဦးစီးဌာန၊ နည်းပညာတက္ကသိုလ် (တောင်ငူ)နှင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးတို့ ပူးပေါင်းကျင်းပသည့် စားသုံးသူကာကွယ်ရေးဆိုင်ရာ အသိပညာပေး ဟောပြောပွဲကို ဇန်နဝါရီလ ၁၈ ရက်နေ့ မွန်းလွဲ ၁ နာရီတွင် တောင်ငူမြို့၊ နည်းပညာတက္ကသိုလ် (တောင်ငူ) ဘွဲ့နှင်းသဘင်ခန်းမ၌ကျင်းပရာ နည်းပညာတက္ကသိုလ်(တောင်ငူ)၊ ဒုတိယပါမောက္ခချုပ် ဒေါက်တာတင်ဝင်းမွန် တက်ရောက်၍ အဖွင့်အမှာစကားပြောကြားပါသည်။
ဟောပြောပွဲတွင် စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်က စားသုံးသူရေးရာဦးစီးဌာနပေါ်ပေါက်လာပုံ၊ ဦးစီးဌာန၏ မျှော်မှန်းချက်နှင့် ရည်မှန်းချက်များ၊ စားသုံးသူ၏ အခွင့်အရေးနှင့်တာဝန်များ၊ ကုန်စည် ဝန်ဆောင်မှုများနှင့်စပ်လျဉ်း၍ လုပ်ငန်းရှင်က စားသုံးသူကို ပေးအပ်ရမည့် အာမခံချက်များ၊ ကုန်စည်များတွင် ကုန်အညွှန်းအမှတ်အသားဖော်ပြရန် ပြဌာန်းချက်များ၊ စားသုံးသူနစ်နာဆုံးရှုံးမှုများ ဖြစ်ပေါ်ပါက တိုင်ကြားနိုင်ခြင်းများ၊ စားသုံးသူတိုင် ကြားမှုများကို ဦးစီးဌာနနှင့် စားသုံးသူရေးရာကော်မတီတို့၏ ဖြေရှင်းဆောင်ရွက်ပေးမှုများ၊ စားသုံးသူကာကွယ်ရေးအတွက် ဦးစီးဌာန၏ ဆောင်ရွက်ချက်များကို Power Point ဖြင့် ရှင်းလင်းဟောပြောပါသည်။
ဆက်လက်၍ ဌာနမှူးဆရာမတစ်ဦး၏ တရုတ်ပြည်မှ ဝင်ရောက်လာသည့် အရည်အသွေးမမီသည့် ကုန်စည်များအား မည်ကဲ့သို့ ထိန်းချုပ်ဆောင်ရွက်နေသည်ကို သိလိုကြောင်းကို မေးမြန်း ခြင်း၊ ဌာနမှူး ဆရာမတစ်ဦး၏ စားသုံးရန်မသင့်ဟု ကြေညာထားသည့် စားသောက်ကုန်များအား ဈေးကွက်အတွင်း ဆက်လက်ရောင်းချနေသည်ကို တွေ့ရှိရပါက မည်ကဲ့သို့ ဆောင်ရွက်နိုင်သည်ကို မေးမြန်းခြင်းနှင့် ကျောင်းသားတစ်ဦးက စားသုံးသူအခွင့်အရေးကို ဆွေးနွေးခြင်းများကို ခရိုင် ဦးစီးမှူးက ရှင်းလင်းဆွေးနွေးဖြေကြားပါသည်။
ထို့နောက် ဒုတိယပါမောက္ခချုပ် ဒေါက်တာတင်ဝင်းမွန်က ခရိုင်ဦးစီးမှူး ဦးမျိုးအောင် အား ဂုဏ်ပြုမှတ်တမ်းလွှာနှင့် ဂုဏ်ပြုလက်ဆောင်ပေးအပ်ပြီး ဒုတိယပါမောက္ခချုပ်နှင့် ဌာနမှူး များသည် ခရိုင်ဦးစီးမှူး ဦးမျိုးအောင်ဦးဆောင်သော အဖွဲ့ဝင်များနှင့်အတူ မှတ်တမ်းတင်ဓါတ်ပုံ ရိုက်ကူးကြပါသည်။ ဟောပြောပွဲသို့ နည်းပညာတက္ကသိုလ်(တောင်ငူ)မှ ဆရာဆရာများနှင့် ကျောင်းသားကျောင်း သူ ၁၈၀ ဦးတက်ရောက်ကြောင်း သိရှိရပါသည်။
DOCA(ပဲခူး)