မင်းတုန်းမြို့နယ် ပတ်ဝန်းကျင်ကျေးရွာများဖြစ်သည့် ကျောက်ကြီးကျေးရွာ၊ ကုန်းကျောက်ကြီး ကျေးရွာ၊ တောင်ပတ်ကျေးရွာ၊ ပဇင်းနားကျေးရွာများ၏ ခြံစည်းရိုးများတွင် အလေ့ကျပေါက်ရောက်သည့် ဆီးပင်များမှ ကြွေကျသည့်ဆီးသီးများကို ကောက်ယူ၍ ပွဲရုံများသို့ တင်ပို့ရောင်းချလျက်ရှိရာ ဇန်နဝါရီလ (စတုတ္ထ)ပတ်တွင် ဆီးသီး(၁)တင်းလျှင် ကျပ်(၆၀၀၀)ဖြင့် အရောင်းအဝယ်ဖြစ်ခဲ့ပြီး ဖေဖော်ဝါရီလ (ပထမ)ပတ်တွင် ဆီးသီး(၁)တင်းလျှင် ကျပ်(၈၀၀၀)အထိဈေးမြင့်၍ အရောင်းအဝယ်ဖြစ်ခဲ့ကြောင်းသိရှိ ရပါသည်။
ထို့ပြင်ဆီးသီးကောက်ယူသူများမှ ကောက်ယူရရှိသည့်ဆီးသီးများအား မင်းတုန်းမြို့၊ သရက်မြို့သို့ တင်ပို့ရောင်းချကြောင်း၊ ဆီးသီးကောက်ရာတွင် လူတစ်ဦးလျှင်(၁)နေ့(၁)တင်းမှ(၁)တင်းခွဲအထိ ကောက်ယူ ရရှိသဖြင့်ဆီးသီးဖိုး (၁)နေ့လျှင် ကျပ်(၈၀၀၀မှ ၁၂၀၀၀)ထိအပိုဝင်ငွေရရှိနေကြောင်း ကျောက်ကြီးကျေး ရွာနေ ဆီးသီးကောက်ယူသူ ဦးသန်းလှထံမှ သိရှိရပါသည်။
DOCA(မကွေး)