ပြည်ကြက်သွန်ဖြူ ပွဲရုံများတွင် မန္တလေးဘက်မှ ဝင်ရောက်လာသော ကြူကုတ်များဖြင့်သာ အရောင်းအဝယ်ဖြစ်ပြီး ရှမ်းပြည်ဘက်မှအဝင်ရှိသော ရှမ်းစများမှာ လက်ကျန်နည်း၍ အနည်းငယ်သာရှိကြောင်း သိရှိရပါသည်။ ရှမ်းစများထွက်ရှိရာ ရှမ်းပြည်နယ်ရှိမြို့နယ်များ၌ပင် လက်ကျန် နည်းနေသည့်အတွက် အဝင်မရှိတော့ခြင်းဖြစ်ကြောင်း သိရှိရပါသည်။ ကြူကုတ်များကို မန္တလေး ဘက်မှ တစ်ပတ်လျှင် အိတ် (၂၀၀-၃၀၀)အတွင်း အဝင်ရှိကြောင်း သိရှိရပါသည်။ ပြည်ဈေးကွက်တွင် ရှမ်းစများလက်ကျန်အနည်းငယ်သာရှိသောကြောင့် (ပွဲရုံ)လက်ကားဈေး တစ်ပိဿာလျှင် (၆၀၀၀-၆၅၀၀)ကျပ် ဈေးရှိသည့်အတွက် လက်လီအနေဖြင့် တစ်ပိဿာလျှင် ကျပ်(၇၀၀၀-၈၀၀၀)ဈေးရှိပြီး အဝယ်ပါးကြောင်း သိရှိရပါသည်။ ကြက်သွန်ဖြူ(ကြူကုတ်)မှာ (ပွဲရုံ)လက်ကားဈေးတစ်ပိဿာလျှင် ကျပ် (၃၈၀၀-၄၀၀၀)ဈေးရှိပြီး လက်လီတစ်ပိဿာလျှင် ကျပ် (၄၅၀၀-၅၀၀၀)ဖြင့် ပုံမှန် ဝယ်ယူသူ စားသောက်ဆိုင်လုပ်ငန်းရှင်များနှင့် ဒေသတွင်း လက်လီဝယ်ယူသူများဖြင့်သာ ပုံမှန်အရောင်းအဝယ်ရှိကြောင်း သိရှိရပါသည်။
DOCA(ပဲခူး)