ပြည်ခရိုင်အတွင်း ဝါဈေးကွက်ရှိရာ ပေါက်ခေါင်းမြို့နယ်တွင် ဝါစတင်ထွက်ရှိချိန်က ဝါအရည်အသွေးကောင်းပါက တစ်ပိဿာလျှင် (၂၃၀၀)ကျပ်၊ ဝါအရည်အသွေးနိမ့်လျှင် (၂၁၀၀)ကျပ် ဖြင့် ဈေးဖွင့်ဝယ်ယူခဲ့သော်လည်း တောင်သူများအနေဖြင့် စိုက်စရိတ်များတွက်ခြေကိုက်ရေးအတွက် တောင်သူအနည်းငယ်သာ ဝါစက်များသို့ လာရောက်ရောင်းချကြောင်း သိရှိရပါသည်။ ဝါသီးနှံ အထွက်လှိုင်ချိန်မှာတော့ တောင်သူများအနေဖြင့် ဝါတစ်ပိဿာလျှင် (၂၈၀၀-၂၉၀၀)ကျပ်၊ ဝါဂွမ်း တစ်ပိဿာလျှင် (၇၀၀)ကျပ်၊ ဝါစေ့တစ်ပိဿာလျှင် (၁၁၅၀)ကျပ်ဖြင့် ဈေးရရှိခဲ့ပါသည်။ ယခုနှစ် ဖေဖော်ဝါရီ လလယ်ပိုင်းတွင် ချည်မျှင်ရှည်ဝါများ အကုန်ရိတ်သိမ်းပြီးဖြစ်၍ ဈေးကွက်တွင် ဝါကြီးများသာ ရှိတော့ကြောင်း သိရှိရပါသည်။ ယခုဖေဖော်ဝါရီ နောက်ဆုံးပတ်တွင် ဝါသီးနှံ လက်ကျန်နည်းလာခြင်း၊ အဝယ်လိုက်လာခြင်းတို့ကြောင့် ဝါတစ်ပိဿာလျှင် (၃၁၅၀)ကျပ် ဖြင့် တောင်သူများ ဈေးကောင်းရနေပြီး ဝါဂွမ်းအား မန္တလေးနှင့် မူဆယ်ဈေးကွက် ဝယ်လိုအားများသောကြောင့် တစ်ပိဿာလျှင် (၇၃၀၀)ကျပ်ရရှိပြီး ဝါစေ့တစ်ပိဿာလျှင် (၁၁၅၀)ကျပ် ဖြင့်သာဈေးငြိမ်ပြီး အရောင်းအဝယ်ဖြစ်ကြောင်း သိရှိရပါသည်။
DOCA(ပဲခူး)