မွန်ပြည်နယ်အတွင်းရှိ ရော်ဘာဒိုင်များ၊ ဓါတ်မြေဩဇာနှင့်အက်စစ်အရောင်းဆိုင်များ၏ဈေးကွက် သတင်းအချက်အလက်များ ပံ့ပိုးပေးနိုင်ရန် ရည်ရွယ်ကျင်းပပြုလုပ်သော မွန်ပြည်နယ် ရော်ဘာဈေးကွက် စစ်တမ်းနှင့်စပ်လျဉ်း၍ ရှင်းလင်းဆွေးနွေးပွဲအခမ်းအနားကို ၂၀၂၃ခုနှစ်၊ မတ်လ ၄ ရက်နေ့ နံနက်(၁၀)နာရီတွင် Golden River Hotel ၌ ကျင်းပပြုလုပ်ခဲ့ရာ အဆိုပါအခမ်းအနားသို့ မွန်ပြည်နယ် စားသုံးသူရေးရာဦးစီးဌာန၊ ပြည်နယ်ဦးစီးမှူး အပါအဝင် ဌာနဆိုင်ရာတာဝန်ရှိပုဂ္ဂိုလ်များ၊ မွန်ပြည်နယ်ရော်ဘာစိုက်ပျိုးထုတ်လုပ်သူများအသင်းမှ အသင်းဝင်များ၊ ရာဘာခြံရှင်များ၊ စိုက်ပျိုးရေးအရောင်းဆိုင်များ၊ ကုန်သည်လုပ်ငန်းရှင်များနှင့်ဖိတ်ကြားထားသည့် ဧည်သည်တော်များ၊ စုစုပေါင်း(၇၁)ဦး တက်ရောက်ခဲ့ကြောင်း သတင်းရရှိပါသည်။
အခမ်းအနားတွင် မွန်ပြည်နယ်ရော်ဘာစိုက်ပျိုးထုတ်လုပ်သူများအသင်း တာဝန်ခံမှ အဖွင့်အမှာစကားပြောကြားခဲ့ပြီး မော်လမြိုင်ကုန်စည်ဒိုင်အသင်းဥက္ကဌမှ ကုန်စည်ဒိုင်နှင့်ပူးပေါင်းဆောင်ရွက်သည့်အကြောင်းရင်းများအားရှင်းလင်းဆွေးနွေးခဲ့ပါသည်။ ဆက်လက်၍ National Enlightenment Institute, Executive Director မှ ရော်ဘာကဏ္ဍနှင့်ပတ်သက်၍ ဆောင်ရွက်နေသည်များကို ရှင်းလင်းဆွေးနွေးခဲ့ပါသည်။ ထို့နောက်ဆွေးနွေးချက်များကို အခြေပြု၍ ဆက်လက်ဆောင်ရွက်ပေးနိုင်သည့်လုပ်ငန်းစဉ်များအား ဆွေးနွေးခဲ့ကြပြီး အခမ်းအနားအား နေ့လည် (၁၂း၀၀)၍ နာရီ အချိန်တွင် ရုပ်သိမ်းခဲ့ကြောင်း သတင်းရရှိပါသည်။
DOCA(မွန်)