ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်၊ မြို့နယ်စားသုံးသူရေးရာဦးစီးဌာနမှ မြို့နယ်ဦးစီးမှူး ဦးအောင်ဇော်ဦးနှင့် ဝန်ထမ်းများသည် ကျွဲတုန်းကျေးရွာရှိ လုပ်ငန်းရှင် ဒေါ်သန်းဝင်း၏ ငါးခြောက်လုပ်ငန်းသို့ (၇.၃.၂၀၂၃) ရက်နေ့၊ နံနက် (၁၀:၀၀) နာရီအချိန်တွင် သွားရောက်၍ ထုတ်ကုန်လုံခြုံစိတ်ချရမှုရှိစေရေးအား ကွင်းဆင်းစစ်ဆေးခဲ့ကြပါသည်။
ငါးခြောက်လုပ်ငန်းဆောင်ရွက်မှု အခြေအနေများကို ကွင်းဆင်းစစ်ဆေးခဲ့ကြရာ ထုတ်ကုန်လုံခြုံ စိတ်ချရမှုရှိစေရေးအတွက် စားသုံးသူများဘေးအန္တရာယ်ကင်းရှင်းစေရေးအတွက် ငါးခြောက်လုပ်ငန်းရှင်အား စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ လိုက်နာရမည့်တာဝန်များအကြောင်းနှင့် ငါးခြောက်လုပ်ငန်း လုပ်ကိုင်ဆောင်ရွက်ရာတွင် သဘာဝအတိုင်း နေဖြင့်အခြောက်လှမ်း၍ ယင်မနားဆေးများမသုံးစေဘဲ ငါးခြောက်လုပ်ငန်းဖြင့် ဈေးကွက်ရရှိအောင် ကြိုးစားဆောင်ရွက်နိုင်မည့် နည်းလမ်းကောင်းများကို အကြံပြုဆွေးနွေးခဲ့ကြောင်း သတင်းရရှိပါသည်။
DOCA(ဧရာဝတီ)