ရခိုင်ပြည်နယ်၊ သံတွဲခရိုင်၊ စားသုံးသူရေးရာဦးစီးဌာနမှ ဝန်ထမ်းများသည် (၁၀-၃-၂၀၂၃) ရက်နေ့၊ နေ့လယ် (၁:၀၀) နာရီအချိန်တွင် ခရိုင် အစားအသောက်နှင့်ဆေးဝါးကွပ်ကဲရေးဦးစီးဌာန(FDA)နှင့် ပူးပေါင်း၍ မီးသတ်ဦးစီးဌာနရှိ ဝန်ထမ်းများနှင့် မိသားစုဝင်များအား စားသုံးသူကာကွယ်ရေး အသိပညာပေးဟောပြောခြင်းကို ဆောင်ရွက်ခဲ့ပါသည်။
ထိုသို့ ဟောပြောခြင်းဆောင်ရွက်ရာတွင် စားသုံးသူရေးရာဦးစီးဌာနက ဦးမျိုးမြင့်ထွန်း(ဒု-ဦးစီးမှူး)မှ စားသုံးသူများ၏အခွင့်အရေး၊ စီးပွားရေးလုပ်ငန်းရှင်များ၏တာဝန်များ၊ ကုန်အညွှန်းအမှတ်အသားအကြောင်း၊ စားသုံးသူများ နစ်နာဆုံးရှုံးမှုရှိပါက အရေးဆိုတိုင်ကြားနိုင်သည့်နည်းလမ်းများအား ရှင်းလင်းပြောကြားပြီးနောက် အစားအသောက်နှင့် ဆေးဝါးကွပ်ကဲရေးဦးစီးဌာနက ဒေါ်ရတီဦး(ဒု-ကြီးကြပ်ရေးမှူး)မှ ကြာရှည်ခံအထားခံဆေးဝါးများ၊ အစားအသောက်နှင့်ဆိုးဆေးအန္တရာယ်အကြောင်းတို့ ရှင်းလင်းပြောကြားကာ တက်ရောက်လာသူများက သိရှိလိုသည့် မေးမြန်းချက်များအား အပြန်အလှန်ဆွေးနွေးခဲ့ကြောင်း သတင်းရရှိပါသည်။
DOCA(ရခိုင်)