စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် အမျိုးသားစားသုံးသူကာကွယ်ရေးအစီအစဉ် (NCPP)တွင် ပါဝင်သည့် ပြန်ကြားဆက်သွယ်ရေး နှင့် ပူးပေါင်းဆောင်ရွက်ရေးအစီအစဉ် (Communication Plan) အရ စားသုံးသူအသိပညာပေး မီဒီယာကမ်းပိန်းများအား ၂၀၁၉ ခုနှစ် မှစတင်၍ နှစ်စဉ်ကျင်းပပြုလုပ်ခဲ့ပါသည်။ ယခုနှစ်တွင် အွန်လိုင်းရောင်းဝယ်မှုဆိုင်ရာကိစ္စရပ်များနှင့်ပတ်သက်၍ စားသုံးသူပြည်သူများအား အသိပညာ ပေးနိုင်ရန်နှင့် စားသုံးသူနစ်နာမှုများကြုံတွေ့ရပါက ဌာနသို့ ဆက်သွယ်တိုင်ကြားနိုင်ကြောင်း သိရှိစေရန်အတွက် ၂၀၂၃ ခုနှစ်တွင် “အွန်လိုင်းရောင်းဝယ်မှုဆိုင်ရာ စားသုံးသူအသိပညာ” မီဒီယာ ကမ်ပိန်းအား ကျင်းပပြုလုပ်သွားမည်ဖြစ်ပါသည်။
မီဒီယာကမ်ပိန်းများကျင်းပမှုအနေဖြင့် ၂၀၁၉ ခုနှစ် မတ်လ(၁၅)ရက်နေ့တွင် “ပြည်သူတိုင်းဟာ စားသုံးသူဖြစ်တယ်။ စားသုံးသူတိုင်းမှာ စားသုံးသူအခွင့်အရေးရှိတယ်” ခေါင်းစဉ်ဖြင့် လည်းကောင်း၊ ၂၀၂၀ ခုနှစ် မတ်လ(၁၅) ရက်နေ့ တွင် “ကုန်စည်လုံခြုံစိတ်ချရမှုအစ၊ ကုန်အညွှန်း အမှတ်အသားက” ခေါင်းစဉ်ဖြင့်လည်းကောင်း၊ ၂၀၂၂ ခုနှစ် မတ်လ (၁၅) ရက်နေ့တွင် “စားသုံးသူများ သတင်းမေးဖို့ Consumer Call Center ကို ချိတ်ဆက်စို့” ခေါင်းစဉ်ဖြင့် လည်းကောင်း ကျင်းပပြုလုပ်ခဲ့ပါသည်။
မီဒီယာကမ်းပိန်းကျင်းပပြုလုပ်ခြင်းအား စားသုံးသူရေးရာဦးစီးဌာန Facebook Page တွင် စားသုံးသူအသိပညာပေး Animation ဗီဒီယိုနှင့် ကာတွန်းရုပ်ပုံပါ Post များအား ရက်သတ္တပတ် (၆) ပတ်ကြာ လွှင့်တင်ဖော်ပြသွားမည်ဖြစ်ကြောင်းသိရှိရပါသည်။
ITQM