စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ စလင်းမြို့နယ်တာဝန်ခံ ဦးဆန်းလင်းမောင် (ဦးစီးမှူး)နှင့်အဖွဲ့သည် (၈.၃.၂၀၂၃)ရက်နေ့ ၊နံနက်(၁၀:၀၀)နာရီအချိန်တွင် မြို့နယ်စည်ပင်သာယာရေး အဖွဲ့နှင့်ပူးပေါင်း၍ စလင်းမြို့ပေါင်းနားရပ်ကွက်ရှိ ဟော်နန်းအမှတ်တံဆိပ် ပဲပူးကြော်လုပ်ငန်းရှင်အားတွေ့ဆုံခဲ့ပြီး ကုန်အညွှန်းအမှတ်အသား ပြည့်စုံစွာထည့်သွင်း ဖော်ပြစေရေးအတွက် အသိပညာပေးဆွေးနွေးခြင်း ဆောင်ရွက်ခဲ့ပါသည်။
စလင်းမြို့နယ်တာဝန်ခံက စီးပွားရေးလုပ်ငန်းရှင်အနေဖြင့် ကုန်စည်များ ထုပ်လုပ်ဖြန့်ဖြူရောင်းချရာတွင် စားသုံးသူကာကွယ်ရေးဥပဒေ(၂၀၁၉)ပါ စီးပွားရေးလုပ်ငန်းရှင်၏ တာဝန်များနှင့် အခန်း(၁၈) ကုန်အညွှန်းအမှတ်အသားဆိုင်ရာ ပြဌာန်းချက်များပါ ပုဒ်မ(၄၁)ပုဒ်မခွဲ(စ)နှင့်(ဆ)တို့ပါ ကုန်အညွှန်း အမှတ်အသားဖေါ်ပြရာတွင် မြန်မာဘာသာဖြင့်ဖြစ်စေ သို့မဟုတ် မြန်မာဘာသာနှင့် အခြားဘာသာဖြင့်တွဲလျက်ဖြစ်စေ ရေးသားဖေါ်ပြရမည်ဖြစ်ပါကြောင်း၊ ထိုသို့ဖော်ပြရာတွင် မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသော ကြော်ငြာချက်အမှတ် (၂/၂၀၁၉)နှင့်အညီ လိုက်နာဖော်ပြပေးရမည် ဖြစ်ပါကြောင်းနှင့် ကုန်အညွှန်းအမှတ်အသားဖော်ပြချက်နှင့် ကိုက်ညီမှုရှိပါက ကုန်အမှတ်တံဆိပ် စိစစ်ခွင့်ပြုချက်ရရှိစေရေးအတွက် မိမိဌာနသို့တင်ပြစိစစ်လျှောက်ထားနိုင်ပါကြောင်း ရှင်းလင်းဆွေးနွေး၍ စားသုံးသူကာကွယ်ရေးကော်မရှင်က ထုတ်ပြန်ထားသည့် ကြေညာချက်အမှတ် (၂/၂၀၁၉)ပါ အသိပညာပေး လက်ကမ်းစာစောင်များကို ဖြန့်ဝေပေးခဲ့ကြောင်း သိရှိရပါသည်။
DOCA(မကွေး)