![](http://www.doca.gov.mm/sites/default/files/styles/consumer_inner_image__847x424_/public/20.10.jpg?itok=RKvgybnH)
တနင်္သာရီတိုင်းဒေသကြီး၊ မြိတ်ခရိုင် စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ဝန်ထမ်းများသည် ၂၀၂၃ခုနှစ်၊ မတ်လ(၁၄)ရက်နေ့၊ နံနက်(၁၀း၃၀)နာရီ အချိန်တွင် မြိတ်မြို့ပေါ်ရှိ အိမ်သုံးလျှပ်စစ်ပစ္စည်းအရောင်းဆိုင်သို့ သွားရောက်၍ သုံးစွဲသူများ ဘေးအန္တရာယ် ကင်းရှင်းရေးနှင့် ထုတ်ကုန်လုံခြုံစိတ်ချရမှုရှိစေရေးအတွက် ရည်ရွယ်၍ အိမ်သုံးလျှပ်စစ် ကုန် ပစ္စည်းများကို ကွင်းဆင်းစစ်ဆေးခြင်းဆောင်ရွက်ခဲ့ကြောင်း သိရှိရပါသည်။
ကွင်းဆင်းစစ်ဆေးရာတွင် သုံးစွဲသူများအသုံးပြုရန် (သို့မဟုတ်) သုံးစွဲရန်အာမခံချက်မရှိသော ကုန်စည်များအား စျေးကွက်အတွင်းရောင်းချမှုမရှိစေရေး၊ စီးပွားရေးလုပ်ငန်းရှင်များလိုက်နာဆောင်ရွက်ရမည့်တာဝန်များနှင့် မြန်မာဘာသာဖြင့် ကုန် အညွှန်းအမှတ်အသားဖော်ပြပါရှိသော ကုန်ပစ္စည်းများအား ရောင်းချမှုရှိစေရေးပြောကြားခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိခဲ့ပါသည်။
DOCA(တနင်္သာရီ)